La sede de l'Academia de la Llingua, nel archivu del monesteriu de San Pelayo, con accesu pela cai del Águila, va remocicar la pintura de los sos paneles interiores, tol sistema d'illuminación y va iguar otros elementos como tolos pasamanes. L'área de Llicencies, dientro de la conceyalía d'Urbanismu, yá informó favorablemente los trabayos, que vienen col vistu bonu de la Dirección Xeneral de Patrimoniu, y menos por pequeños cambios los trabayos podríen empezar casi darréu .
El conceyal al frente del área, Nacho Cuesta, felicitóse pola rapidez con que'l serviciu ta llogrando atender estos pidimientos, preba del so bon funcionamientu. Anque l'Academia de la Llingua ta pendiente agora d'apurrir la dirección d'obra ya iguar detalles sobre'l nuevu sistema d'illuminación de la entrada, los servicios municipales destaquen que la solicitú presentóse'l 25 d'ochobre y que taba informa'l 16 de payares, en 22 díes namás. "Si llega tar too presentao, llograríen la llicencia en cuatro selmanes", aseguren nel departamentu de Llicencies.
Nel proyectu, l'Academia de la Llingua esplica la necesidá d'actualizar tol llume y los revestimientos interiores de pintura en tolos paramentos, mesmo que'l llixáu, barnizáu y sustitución de maniyes de les carpinteríes interiores y barnizao del pasamanes de la escalera. El presupuestu d'execución material ye de 10.685,52 euros.
El Conceyu emitió un informe favorable condicionáu a la presentación d'un certificáu de dirección técnica d'obra y al cumplimientu de les indicaciones de Patrimoniu que namás pon pegues a la illuminación de la entrada, pola inesistencia de cableaxe y falta de definición d'esta parte del proyectu .
