La producción fabril asturiana axunta dos meses de retrocesu
La parada d'un fornu alto contribúi a la cayida, de la que llibren naval y anovables
La producción industrial asturiana reculó n'ochobre'l 5,71% en tasa interañal, según el datu adelantáu, y entá provisional, facilitáu esti día pola Sociedá Asturiana d'Estudios Económicos ya Industriales (Sadei). De confirmase esta estimación, va ser el segundu decrecimientu del índiz de producción industrial d'Asturies (IPIA) dende febreru de 2021. En septiembre yá menguara'l 5,69%, asina que n'ochobre esti enclín medró en dos centésimes.
Sadei atribúi parte d'esta contracción a la paralización temporal del fornu altu A d'ArcelorMittal pola cayida de los pidíos siderúrxicos y el so efectu reductor sobre la producción de la multinacional, cola consiguiente afectación a otres actividaes fabriles.
A ello axúntase l'adversa redolada internacional, cola crisis enerxética y inflacionaria, y la inseguridá sobre la situación global, lo que "enzanca los mercaos y desacelera l'actividá".
La producción industrial disparóse n'Asturies depués del retrocesu de 2020 pola pandemia –qu'enllargó los sos efectos hasta'l febreru siguiente– y llegó a liderar la crecedera española con tases d'hasta'l 35%, que depués foi moderándose. Agora lleva dos meses consecutivos de descensu. Magar ello, la media añal hasta ochobre entá enseña un avance positivu del 4,2%.
El sector de les enerxíes anovables y la construcción naval desarreyen del enclín: caltienen tases positives y viven "un gran momentu tocantes a demanda y carga de trabayu". Sadei tamién conseña a futuru "perspectives positives" en "delles actividaes rellacionaes col material de tresporte".
N'ochobre menguaron en tasa interañal industria químico (-18%), metalurxa (-16%), enerxía (-8,5%) y, en menor midida, industries extractivas, industria alimentaria, y fabricación de productos metálicos. Crecen otros productos minerales non metálicos ya industria tresformadora de metales y otra industria manufacturero.
- El motorista de 30 años fallecido en Tineo, un querido cocinero de sidrería que había comprado no hace mucho la moto: "Era un gran profesional
- Crónica de la visita de Sánchez al HUCA: un escenario de diseño, un anuncio sin impacto en Asturias (y sin preguntas), un grito soez y selfis con las fans
- Sánchez anuncia en el HUCA que el Gobierno ampliará las prestaciones para poder detectar más enfermedades en los recién nacidos
- El tenso momento con Pedro Sánchez en Oviedo tras recibir un insulto de mal gusto: "¡Por siete votos...!
- Estos son los horarios que tendrán los trenes rápidos del AVE a Madrid (y el tiempo que se recortará)
- Todo lo que hay que saber para comprar los billetes baratos del nuevo AVE de Asturias: hay 28.000 a la venta
- Pedro Sánchez realiza hoy su primera visita institucional al complejo del HUCA en Oviedo, que cogió por sorpresa al Principado
- La revolución con los trenes más rápidos del AVE a Madrid: billetes a 18 euros y el recorte de tiempo al que se aspira