La escavación del Picu Castiellu asoleya cerámica de les dómines romano y prerromano
Un centenar de persones aporten a les visites empobinaes a los anicios de la muralla, que pudo arrodiar una torre cercana a fornos de fundición
Juan Ramón Muñiz, a la izquierda, na visita empobinada d'esti día a la escavación del Picu Casteillu, na que participó Pablo León (segundu pela izquierda). | LNE / Lucas Blanco
Cerámica común, dalguna qu'otra cacía de luxu y dellos vidrios descubiertos a lo llargo de la escavación realizada polos arqueólogos Alejandro Sánchez y Juan Ramón Muñiz nes últimes selmanes rescamplen que la zona conocida como'l castru del Picu Castiellu, nel conceyu de La Ribera, foi un asentamientu de la dómina romana y prerromana. Los investigadores remataron esti día una serie de visites empobinaes qu'atraxeron l'atención de casi un centenar de visitantes, a los qu'esplicaron la so teoría de que la muralla, con unos restos que fueron los que s'escavaron, pudo arrodiar una torre cercana a dellos fornos de fundición.
Los trabayos entamaos pol Conceyu de La Ribera y l'asociación Vestigia afalaron l'interés del director xeneral de Patrimoniu, del Principáu, Pablo León, qu'aportó hasta la zona esti día y en conociendo los principales afayos animó a los promotores a presentase a la nueva convocatoria d'ayudes pa escavaciones arqueolóxiques que, según indicó, van aprobáse a lo llargo del mes de xineru.
Muñiz y Sánchez enseñaron la so disposición a realizar una segunda campaña'l próximu añu si finalmente tienen otra vegada'l sofitu municipal y de l'asociación Vestigia. La so intención ye ampliar los trabayos realizaos na mesma zona pa buscar nuevos materiales que seyan a dar pistes sobre les funciones de lo qu'abulta una fortificación defensiva con muncha actividá.
Sicasí, los arqueólogos confíen en siguir avanzando les sos investigaciones nos próximos dos meses. Los llabores de llavadura y clasificación de la cerámica recuperada podríen dar nueves pistes sobre l'orixe de los afayos. "Dacuando hai decoraciones o técniques que nos ufierten pistes sobre la dómina concreta", apunta Juan Ramón Muñiz, visiblemente satisfechu pol resultáu de la primer escavación realizada nun llugar del qu'apenes esisten estudios nin documentación antigua.
En principiu, la mayoría de los materiales estrayíos corresponderíen a la dómina romana y una parte más minoritaria taría datada nel periodu prerromanu. Los afayos d'esta primer campaña fixéronse a dos metros aprosimao de la muralla, polo que nun se refuga la posibilidá de qu'en casu d'ampliar les escavaciones separándose unos metros más de l'antigua fortificación puedan aprucir otros afayos de mayor relevancia colos qu'acutar meyor el periodu de tiempu nel que'l Picu Castiellu, anguaño deshabitáu, tuvo una importante actividá humana.
- El motorista de 30 años fallecido en Tineo, un querido cocinero de sidrería que había comprado no hace mucho la moto: "Era un gran profesional
- El tenso momento de Sánchez en el HUCA: "¡Por siete votos...!
- Sánchez anuncia en el HUCA que el Gobierno ampliará las prestaciones para poder detectar más enfermedades en los recién nacidos
- Tragedia en el Occidente: hallan el cuerpo de un pescador en el mar tras avistar su barco vacío y varado en una playa de Cudillero
- Pedro Sánchez realiza hoy su primera visita institucional al complejo del HUCA en Oviedo, que cogió por sorpresa al Principado
- Al menos 44 llamadas a servicios de citas sexuales desde un móvil municipal: el escándalo de Noreña, al detalle
- Óscar Puente desvela un importante detalle de los trenes Avril que operarán en Asturias
- Muere un motorista de 30 años en Tineo tras colisionar contra el quitamiedos
