La Villa, ente la ruina y l'abandonu
El barriu fundacional de Mieres enflaquez mentanto los obligaos valtamientos van acabando con vieyos edificios mui deterioraos
El deterioro del barrio de La Villa / D. M.
L'alcalde de Mieres, Aníbal Vázquez, recibió a principios d'avientu a los voceros del movimientu vecinal del barriu de La Villa, que -y treslladaron la so creciente esmolición pol deterioru que sufre esti enclave fundacional de la ciudá. Unos díes primero del alcuentru, el Conceyu tuviera qu'asumir el valtamientu d'una vieya vivienda que quemó pel branu en siendo “okupada” por una pareya de drogodependientes. Esta otra selmana, contratóse otra actuación d'urxencia pa valtar otru inmueble en ruines, asitiáu na travesía de la cai Ramón y Cajal. L'abandonu y la ruina espardiéronse pel históricu barriu mierense.
La desatención de munchos propietarios ta obligando al Conceyu de Mieres a tener qu'encargase unilateralmente del valtamientu de vieyos edificios nel barriu de La Villa . “Urbanísticamente ye ensin dulda la zona de Mieres más deteriorada”, señalen dende l'asociación de vecinos Covadonga- La Villa. “El problema ye que munchos propietarios prefieren inclusive arrenunciar a los heriedos enantes de ponese a iguar les viviendes qu'entá queden el pie”, esplica Manuel Prado, activu voceru del movimientu ciudadanu. “Ye una pena l'estáu en que s'alcuentra'l barriu, yá que bona parte de la historia de Mieres ta amestada a esti espaciu”, apunta pela so parte José Antonio Rubio.
Edificios históricos
La Villa alluga la Casa Duró, l'edificiu civil más antiguu de la ciudá, datáu nel sieglu XVII. El barriu tamién acueye al vecín palaciu de Camposagrado, igualmente del sieglu XVII y actual sede del institutu Bernaldo de Quirós. Dambos inmuebles son Bien d'Interés Cultural (BIC). Mui cerca ta'l campus de Mieres, y tamién mui próximu atópase'l simbólicu castillete de Barreo. Nesti marcu, entá tres los últimos valtamientos, delles cases amenacen con cayer embaxo en sufriendo años d'abandonu.
La conceyalía de Desenvolvimientu Urbanu Sostenible tien entamáu un plan de demoliciones y saniáu, por execución subsidiaria, de dellos inmuebles na redolada del barriu de La Villa. En concretu, esta actuación, con 144.000 euros de presupuestu (IVA incluyíu), permitió intervenir nel yá citáu inmueble de la cai Ramón y Cajal, mesmo que se va facer agora n'otros allugaos dientro del barriu. Cuéntase tamién con encuriosar la mesma plaza de la Paraxuela, axuntada al edificiu valtáu va unos díes.
El Conceyu de Mieres, según apuntó esti día'l gobiernu local, dobló nos presupuestos de los últimos años la partida destinada a los derribos por execución sustitutoria (enantes yera de 100.000 y agora de 200.000 euros). “L'oxetivu ye poder actuar evitando situaciones de riesgu y encarando los problemes de salobridá qu'esti tipu d'edificios ya inmuebles pueden causar”, señalen dende'l Consistoriu. En 2021 el Conceyu realizó un total de 14 valtamientos d'estes característiques y nesti 2022, cuntando esti proyectu yá licitá, va llegase a les 12.
- Demoledor escrito de la Comisión Europea: asegura que la prórroga del peaje del Huerna fue ilegal
- Novedades en la obra del nudo de Serín: así queda la circulación
- Estas son las obras que mejorarán el trazado del AVE en Asturias: el calendario que maneja el Gobierno regional
- Por qué una válvula fabricada con tejido de cerdo pone al HUCA a la vanguardia mundial: "Este hospital va a más
- Detenida por estafar 70.000 euros a ancianos en Oviedo y Pola de Siero
- Heridos un ciclista y dos senderistas por sendas caídas en Candamo, Allande y Cabrales
- PP, PNV y Junts votan debatir sobre el lobo, con el PSOE en contra sin "fugas" asturianas
- El HUCA implanta por primera vez en España válvulas fabricadas con tejido porcino de última generación
