El Belles Artes entama l'añu a lo grande: consulta equí la so programación de xineru a abril
El Muséu enseña obra d'Alba, una orixinal muestra de soníos ocultos y una Virxe de Guadalupe y va conmemorar a Picasso, Fernández y Sorolla
Cola puerta yá abierta a una necesaria ampliación que va enmarcar el so futuru inmediatu, el Muséu de Belles Artes d'Asturies encara l'añu 2023 con un primer tramu de programación de xineru a abril centráu n'actividaes rellacionaes coles esposiciones, la obra convidada y el cine, amás del programa educativu. Un gran aperitivu cultural pa lo que va llegar dempués: la conmemoración del 50.º aniversariu de la muerte de Pablo Picasso y del asturianu Luis Fernández, dos pintores de referencia que tienen presencia na pinacoteca asturiana. Amás, va celebrase'l centenariu del fallecimientu de Joaquín Sorolla cola reorganización de les sos obres pal branu, y los cien años del nacimientu del xixonés Antonio Suárez, con una muestra que'l Muséu ta preparando pa finales d'añu con una trentena d'obres.
El director, Alfonso Palacio, rescampló esti día satisfechu y arguyosu d'un añu que va ser "perinteresante". Pa entamar, dos esposiciones temporales, la primera del creador de Salas Fernando Alba, sol nome "Sombra y accidente", comisariada pol arquiteutu Jovino Martínez Sierra. Del 17 de marzu al 11 de xunu.
La segunda ye un proyectu específicu y bien orixinal pal Palaciu de Velarde del artista sonoru Juanjo Palacios. Titúlase "Sonidos propios" y va tar abierta del 13 d'abril al 18 de xunu. ¿En qué consiste? "Retratar" los soníos del Muséu, sobremanera los que permanecen nos materiales de l'arquitectura, dacuando ocultos nos rangos de frecuencia inaudibles pal oyíu humanu. Y atención especial merez el programa "Obra invitada" cola esposición d'una pintura de la Virxe de Guadalupe d'un autor anónimu, data del sieglu XVIII y vien de la colección del IX Conde de Revillaxixéu. Va acompañase d'otres obres de la mesma colección del 23 de febreru al 21 de mayu.
Vez pa les conferencies: el 26 de xineru, el presidente de l'Asociación d'Amigos del Muséu del Traxe, José Luis Díez, va falar d'Yves Saint Laurent; el 16 de marzu, el profesor de la Universidá de Sevilla Francisco Montes va disertar sobre "De México a Gijón. La Virgen de Guadalupe, talismán indiano"; Juan Díaz, profesor d'Historia de la Universidá d'Uviéu, va falar el 23 de marzu de "El conjunto palacial de los Valdés en Gijón: arquitectura de vanguardia". Y Jovino Martínez Sierra, comisariu de la muestra sobre Alba, va cerrar el ciclu'l 20 d'abril con una ponencia sobre l'artista.
La parte dedicada al cine va aprovechar el vistíu tipu quimonu pa Yves Saint Laurent, "obra convidada" del pasáu cuatrimestre, pal ciclu "Arte y moda". La responsable del bloque educativu, Cristina Heredia, esbilló un ampliu programa con esperiencies didáctiques pa escolares, talleres pa neños, mozos y families. Y el director de Política Llingüística de la Conseyería de Cultura , Antón García , punxo una nota esperanzadora al asegurar que l'ampliación va empezar "d'equí a poco", anque nun precisó plazos nin fecha d'entamu.
- El motorista de 30 años fallecido en Tineo, un querido cocinero de sidrería que había comprado no hace mucho la moto: "Era un gran profesional
- Crónica de la visita de Sánchez al HUCA: un escenario de diseño, un anuncio sin impacto en Asturias (y sin preguntas), un grito soez y selfis con las fans
- Sánchez anuncia en el HUCA que el Gobierno ampliará las prestaciones para poder detectar más enfermedades en los recién nacidos
- El tenso momento con Pedro Sánchez en Oviedo tras recibir un insulto de mal gusto: "¡Por siete votos...!
- Estos son los horarios que tendrán los trenes rápidos del AVE a Madrid (y el tiempo que se recortará)
- Todo lo que hay que saber para comprar los billetes baratos del nuevo AVE de Asturias: hay 28.000 a la venta
- Pedro Sánchez realiza hoy su primera visita institucional al complejo del HUCA en Oviedo, que cogió por sorpresa al Principado
- La razón por la que cuesta tanto encontrar un alquiler de vivienda permanente en Asturias: vuelco radical en el mercado inmobiliario