Dos vuelos selmanales ente Asturies y Múnich
La compañía Lufthansa dobla los enllaces cola capital bávara, qu'entama pel branu, al respeutive de lo anunciao pol Principáu
La compañía Lufthansa anunció'l vienres pasáu que va operar la ruta d'Asturies a Múnich dos vegaes a la selmana, y non una como indicara nun primer momentu. L'aerollinia xermana va entamar la conexón cola capital bávara na próxima temporada aérea de branu, que va empezar a finales de marzu. Esti día nun taben entá a la venta los billetes a Múnich.
Lufthansa, que tamién va empezar a operar en poco más de dos meses a Frankfurt, presentó los sos planes p'Asturies na Feria Internacional de Turismu (Fitur), que se celebró en Madrid. Leticia Alcalá, directora comercial de Lufthansa n'España, señaló que coles trés conexones selmanales previstes dende Frankfurt (los miércoles, vienres y domingos) y les dos dende Múnich (los martes y los sábados) la compañía va cubrir "casi tola selmana".
L'empresariáu asturianu y les Cámares de Comerciu rescamplaron el so contentu pol aterrizaxe de Lufthansa n'Asturies, y pola apertura de les dos a Alemania. Frankfurt y Múnich, los dos mayores hubs de l'aerollinia, que faen posible más de 200 conexones a tol mundu.
La llegada a Asturies de Lufthansa, segunda aerollinia europea en pasaxeros tresportaos per detrás de Ryanair, supon rematar un vieyu deséu de les autoridaes autonómiques, que yá negociaron cola operadora alemana en 2014, ensin ésitu. La conexón con Frankfurt ye amás una antigua demanda de los empresarios asturianos. Los conocedores del sector albidren que la llegada de Lufthansa va permitir al aeropuertu asturianu averase, y quiciabes hasta superar, el máximu históricu añal de pasaxeros, rexistráu en 2007, cuando sumó 1,56 millones pasaxeros. Una cifra de la que nun tuvo bien separáu en 2022, cuando contabilizó 1,45 millones d'usuarios, el tercer meyor rexistru de la so historia.
Con estes dos nueves rutes, Asturies va cubrir 27 destinos directos a nueve países, con una especial meyora de les sos comunicaciones estratéxiques. Lufthansa va axuntáse asina a les cinco compañíes que yá operen nel aeropuertu d'Asturies: Binter, Iberia , Ryanair, Volotea y Vueling.
- AsturiasRebelión de los dueños de pisos turísticos contra el Principado: la razón por la que están dispuestos a pleitear
- AsturiasMaría Jesús Otero, primera condenada del "caso Marea" en finalizar su pena
- AsturiasLos jueces tumban por primera vez una adjudicación del Principado a Tragsa
- AsturiasDos asturianos atrapados por la aurora boreal en el intento de grabar la "magia" que esconden las luminiscencias del Ártico
- AsturiasLa obra del nudo de Serín en la "Y": todas las claves del nuevo retraso en una infraestructura vital para Asturias
- AsturiasDoble tragedia por el oleaje en Asturias: tratan de rescatar a dos personas caídas al mar en San Esteban y Cudillero
- AsturiasConmoción en Cangas del Narcea por la muerte del trabajador de la pirotécnica en la explosión: "Estaba loco por su hija, lo más importante para él
- AsturiasUltimátum de la jueza del "caso Hulla" al perito: debe presentar el informe en abril de forma "inexcusable