Asturies, plató de bon gustu pa la película "Infiesto"
La película qu'estrena Netflix el 3 de febreru, confirma'l tirón del Principáu como escenariu pa rodaxes de primera fila
infiesto netflix
Asturies sigue siendo un focu d'atracción pa los rodaxes de cine y televisión. El próximu 3 de febreru va asoleyar ún d'ellos, "Infiesto", película de Patxi Amezcua, rodada en delles localizaciones asturianes y gallegues. Pa ponese en situación: la Film Comission asturiana recibió en 2022 unes 135 consultes, un 46% más que l'añu anterior. Y les sales acoyeron nos últimos años títulos como "A todo tren. Destino Asturias", de Santiago Segura; "Si yo fuera rico", d'Álvaro Fernández Armero; "La influencia", de Denis Rovira; "Oscuro y Lucientes", de Samuel Alarcón; "El Planeta", d'Amalia Ulman, y "O que arde", d'Oliver Laxe. Y Víctor Erice tamién aprovechó escenarios asturianos en "Cerrar los ojos", el so esperáu regresu al cine. Ensin escaecer los trés spots de la Llotería de Navidá y dellos capítulos de series, o una serie íntegra como "Alma", del asturianu Sergio Sánchez.
Luis Zahera con Férriz.
El rodaxe de "Infiesto", un thriller sobrenatural, duró siete selmanes. El títulu yera provisional, pero a la fin gustó tanto a los responsables que decidieron caltenelu, anque na localidá piloñesa nun haya esplotaciones mineres, daqué que llamó l'atención nes redes sociales. Y ye que la cinta, producida por Vaca Films, ambiéntase nel estáu d'alarma, cuando dos policíes van a un pueblu mineru onde remanez una muyer a la que se daba por muerta dende diba meses. El virus quiciabes nun sía l'únicu enemigu letal...
Un xalé en Doiras, Bual.
Amezcua, director de "Séptimo" y guionista de "Un hombre de acción", "La sombra de la lei" y "El aviso", tuvo un repartu protagonizáu por Isak Férriz ("Bajocero") ya Iria del Río ("Las niñas de cristal", "Élite"), y con actores de fuste como José Manuel Poga ("La casa de papel") y l'omnipresente anguaño Luis Zahera ("As bestas").
Los protagonistes nun polígonu industrial.
El rodaxe asturianu llegó a finales d'ochobre a Xixón, convirtiendo la parte trasera de la Casa Rosada nuna Comisaría de Policía y escenificando una persecución na avenida de la Constitución. Pasóse depués a L'Infiestu, "vaciando" l'avenida Cuadonga delles hores pa visualizar l'ablayamientu urbanu del confinamientu. En Mieres filmóse na cai Carreño Miranda, y nos polígonos de Vega de Riba y Gonzalín.
Iria del Río ya Isak Férriz
- Un ciclista se rompe varias costillas al caer en la ruta de las trincheras de Candamo
- El Ministerio de Sanidad planea cambios en las plazas MIR para que no haya vacantes de médico de de familia
- Detenida por estafar 70.000 euros a ancianos en Oviedo y Pola de Siero
- Heridos un ciclista y dos senderistas por sendas caídas en Candamo, Allande y Cabrales
- El debate decisivo por el rectorado en LA NUEVA ESPAÑA: Villaverde acusa a su rival de "conspirar, estar y no hacer", y Cueva pide un cambio total, "no más rollo de lo mismo
- Impackto", el proyecto que convierte Asturias en el cerebro del embalaje sostenible para todo DuPont
- Las claves para revitalizar la medicina de familia y que sea una opción más atractiva en la elección de plazas MIR
- Tres especialistas del HUCA optan a la jefatura de la UCI
