La cantera de videoxuegos florez
Una trentena de desarrolladores axunten n'Uviéu nun alcuentru global pa diseñar nuevos retos pa los xugadores
Queda un árbol namás na tierra dempués d'una catástrofe nuclear, una epidemia o el pasu d'una gandaya de zombis gafos –nesto la imaxinación ye llibre, pueden escoyer la hecatombe que más-yos preste– y l'oxetivu ye cuidalu como oru en pañu por que florie. La idea tuviéronla trés mozos estudiantes del grau de videoxuegos de la Escuela Universitaria de Diseñu, Innovación y Tecnoloxía (ESNE) d'Uviéu, que la fin de selmana pasada participaron no qu'en xíriga del sector se conoz como "jam", y que na práctica supon qu'un grupu d'informáticos (programadores, diseñadores...) axunten dellos díes nuna clas pa desenvolver xuegos sobre una tema de mancomún. Nesta ocasión, la materia en cuestión yeren los raigaños. A partir d'ehí caún podía facer volar la so imaxinación nel sen que quixera.
Juan Pedro Muñoz, Lucas García y Martín Vélez fueron los que tuvieron la idea del árbol que tien que crecer nunes condiciones bien adverses. "A la fin de lo que se trata ye de ganar esperiencia", asegura l'últimu d'ellos. Los trés vense trabayando nun sector que ta creciendo con fuerza y que demanda cada vez más mano d'obra. Había más idees y xuegos pa tolos gustos. Como ún nel que la protagonista yera una neurona –por eso de les ramificaciones asemeyaes a les d'un raigañu– o otru con histories más fondes nel que la protagonista volvía al pueblu de la so mocedá a buscar los sos raigaños. En total, nesta actividá que se desenvolvió de forma global (había miles de participantes per tol mundu) hubo 29 rapazos separaos en siete equipos.
Santiago Machín y Jonathan Solís fueron los profesores del ESNE qu'empobinaron a los participantes nel eventu, patrocináu por Asturies Game Hub y la uvieína Milkstone Studios. El primeru asegura que "la cantera ye bona".
"El nivel ye bonu, y eso qu'al ser la mayoría alumnos de la escuela había unos cuantos, de primer cursu, qu'entá tienen poca esperiencia", apunta Alejandro González de Milkstone. Mentanto Luis Delgado, d'Asturies Game Hub, pon l'acentu en que "ún de los oxetivos d'esti tipu d'eventos ye'l de crear comunidá, que se fale de videoxuegos, son eventos necesarios por que'l sector se desarrolle".
- Todo lo que hay que saber para comprar los billetes baratos del nuevo AVE de Asturias: hay 28.000 a la venta
- La revolución con los trenes más rápidos del AVE a Madrid: billetes a 18 euros y el recorte de tiempo al que se aspira
- Estos son los horarios que tendrán los trenes rápidos del AVE a Madrid (y el tiempo que se recortará)
- Del "te quiero" que Barbón le dijo a Queipo en la Junta a una canción de Chenoa: "Usted vino a abrazarme y no le rechacé
- La razón por la que cuesta tanto encontrar un alquiler de vivienda permanente en Asturias: vuelco radical en el mercado inmobiliario
- ¿Cómo están las listas de espera para operaciones y consultas respecto al resto de España?
- Crónica de la visita de Sánchez al HUCA: un escenario de diseño, un anuncio sin impacto en Asturias (y sin preguntas), un grito soez y selfis con las fans
- Lo que le costará al contribuyente medio asturiano el rechazo a ajustar el IRPF a la inflación: "Difícil de justificar