El Cume Internacional de la Sidra va axuntar n'Asturies a 13 rexones productores
Xixón va acoyer el certame y un festival nel que podrán tastiase 65 tipos de bebides
Guillermo Guisasola, Begoña López, Graciela Valle, Eduardo Vázquez, Santos Tejón y Javier Nievas, brindando con sidra na presentación en Xixón. / M. Riera
Un total de 13 rexones productores mundiales van tar representaes nel próximu Cume Internacional de la Sidra n'Asturies, la "International Cider Summit Asturies", que se va celebrar en Xixón ente'l 20 y 26 de marzu . Esti eventu va suponer el primer cume mundial de la bebida autóctono asturiana y va cuntar con ellaboradores y destacaos espertos a nivel mundial. Amás, podrán tastiase a lo llargo de tola selmana un total de 65 tipos de sidra en distintos establecimientos participantes del Principáu, mesmo que nel festival sidreru previstu na Llaboral.
El certame presentóse el xueves pasáu en Xixón cola presencia de la viceconseyera de Turismu, Graciela Blanco Rodríguez; el responsable de Mediu Rural de Caxa Rural d'Asturies, Javier Nievas; la Directora Xeneral de Desenvolvimientu Rural y Agroalimentación del Principáu d'Asturies, Begoña López; el Director del eventu, Eduardo Vázquez Coto; el presidente de la DOP Sidra d'Asturies, Guillermo Guisasola; y el conceyal de Turismu del Conceyu de Xixón, Santos Tejón.
Cartel anunciador del cume. / M. P.
La organización albidra un gran ésitu y llegada de públicu, lo mesmo que de profesionales del sector de talla nacional ya internacional. El programa va separase en trés 3 eventos estremaos: l'Asturies Cider Week, que va ufiertar la posibilidá de probar 65 tipos distintos de sidra en decenes de locales de toa Asturies; l'Asturies Cider Congress, que se va celebrar el 23 y 24 de marzu na Universidá Llaboral y nel que reputaos profesionales del sector sidreru nacionales ya internacionales van compartir les sos esperiencies y saberes en charres, coloquios y meses redondes; y l'Asturies Cider Fest, un festival que va ser la fin de selmana del 25 y 26 de marzu na Llaboral y nel qu'habrá escanciao, cates y degustaciones, amás de comida, música y actividaes infantiles.
El Cume Internacional de la Sidra puede llegar a coincidir en marzu cola ratificación definitiva de que la cultura sidrera asturiana va ser la próxima apuesta qu'España va presentar énte la Unesco pa tratar de consiguir la so declaración como Patrimoniu Mundial Inmaterial.
- Un ciclista se rompe varias costillas al caer en la ruta de las trincheras de Candamo
- El Ministerio de Sanidad planea cambios en las plazas MIR para que no haya vacantes de médico de de familia
- Detenida por estafar 70.000 euros a ancianos en Oviedo y Pola de Siero
- Heridos un ciclista y dos senderistas por sendas caídas en Candamo, Allande y Cabrales
- El debate decisivo por el rectorado en LA NUEVA ESPAÑA: Villaverde acusa a su rival de "conspirar, estar y no hacer", y Cueva pide un cambio total, "no más rollo de lo mismo
- Impackto", el proyecto que convierte Asturias en el cerebro del embalaje sostenible para todo DuPont
- Las claves para revitalizar la medicina de familia y que sea una opción más atractiva en la elección de plazas MIR
- Tres especialistas del HUCA optan a la jefatura de la UCI
