Gonzalo G. Barreñada publica la novela "El valle encesu"

Ediciones Trabe publicó la novela 'El valle encesu', obra del escritor Gonzalo G. Barreñada y que fala d'un home, Firmu, que vuelve al so pueblu, Bubiella, depués de separase de la muyer.

"Con una prosa densa, morosa, la voz del narrador va poniendo negro sobre blanco la vida n'apariencia cenciella pero enllena de secretos y mentires d'un pueblu, d'una xente que paez movío por filos esternos y ayenos: marionetes de carne y güesu. La vida en Bubiella ye un fornu ingriente a piques de reventar", indiquen dende la editorial.

Gonzalo G. Barreñada ye ún escritor que nació en Sotrondio en 1973 y que se consagró como escritor l'añu pasáu al algamar los premios Xosefa Xovellanos de Novela con 'El viaxe del cacique', l'Andrés Solar Santurio de Novela Curtia con 'La guerra del Medrosu', y el Teodoro Cuesta de Poesía por 'Cartes al treslluz'.