La película "O corpo aberto", ópera prima de ficción de l'asturiana Ángeles Huerta (Xixón, 1974), foi la gran vencedora de la XXI edición de los premios Mestre Mateo, los premios añales de l'Academia Galega d'Audiovisual, que s'entregaron la selmana pasada nel Teatru Municipal d'Ourense. La cinta de Huerta llevó 12 galardones, ente ellos nes categoríes de meyor película, dirección y guión –que comparte, esti postreru , con Daniel D. García–. Huerta estrenó n'avientu'l so primer llargumetraxe de ficción, precedíu d'una guapa acoyida por parte de la crítica.
La xixonesa estudió Filoloxía en Santiago –fincó ellí– y depués Dirección de cine en Londres. "O corpo aberto" ye una adaptación d'un relatu de Méndez Ferrín que bebe del góticu victorianu.
