El saldu ente impuestos y prestaciones dexa a Asturies en bon llugar
Les percepciones públiques recibíes polos llares de la rexón superen de media en 4.168 euros l'importe de los tributos abonaos, según Fedea
El saldo entre impuestos y prestaciones deja a Asturias en buen lugar
Asturies ye la segunda rexón española, depués d'Estremadura, con un saldu más favorable ente los impuestos que paga y les prestaciones públiques que recibe, según un estudiu de los economistes Julio López Laborda, Carmen Marín González y Jorge Onrubi, de la Fundación d'Estudios d'Economía Aplicada (Fedea). La diferencia ente les prestaciones públiques percibíes y los impuestos pagos rescampla un saldu positivu de 4.168 euros de media por llar asturianu, namás superáu polos estremeños, con un promediu de 4.278 euros por unidá familiar. Per delantre de dambes comunidaes asitia la ciudá autónoma de Melilla, con 4.852 euros.
Sacantes estos trés territorios, nenguna otra comunidá o ciudá autónoma degola los 4.000 euros. Darréu per debaxo asítien Galicia, Canaries, Cantabria, País Vascu y Castiella y Lleón, toes elles asitiaes –sacantes l'archipiélagu– na zona norte.
El promediu de los llares españoles son perceptores netos con 1.885 euros, lo que supon qu'Asturies más que dobla la media nacional. Toles rexones españoles rescamplen un saldu positivu, sacantes la Comunidá de Madrid, onde la diferencia ye negativa a razón de 1.694 euros de media por llar.
L'informe ("Observatoriu sobre'l repartu de los impuestos y les prestaciones ente los llares españoles", qu'algama la so séptima edición) contabiliza les prestaciones monetaries (pensiones públiques de xubilación y de supervivencia, prestaciones y subsidios por desempléu, invalidez, enfermedá y asistencia social y ayudes al estudiu, familiares y a la vivienda ) y les prestaciones n'especie: sanidá y educación. Y pel llau de los tributos, inclúi los impuestos sobre la renta, sociedaes, patrimoniu, cotizaciones sociales (a cargu del trabayador o autónomu y al cargu de la empresa), IVA, tresmisiones patrimoniales y actos xurídicos documentaos, impuestos especiales sobre bebíes alcohóliques, hidrocarburos, tabacu y eletricidá, y l'impuestu sobre les primes de seguros.
L'estudiu acredita que, anque la situación descrita yá taba vixente primero del covid, les cuantíes de les prestaciones incrementáronse coles ayudes aprobaes pa facer frente a la pandemia y a los sos efectos económicos. El dictame diz qu'el 80% de les families españoles recibió na pandemia más ayudes de lo que tributó y que'l conxuntu de prestaciones monetaries incrementóse'l 13% de media en 2020, sobremanera poles prestaciones por desempléu, lo que "permitió amortiguar la cayida na renta de mercáu". Según los autores, solo los llares asitiaos nel 1% con más renta pagaron, de media, más impuestos en 2020 qu'en 2019. Fedea señala que tou ello contribúi a amenorgar en más del 33% añal (38% en 2020) la desigualdá na distribución de la renta pol mercáu.
- Julián García Quirós, el cabo noreñés de 25 años que es el mejor tirador de las fuerzas y cuerpos de seguridad del Estado: "Lo importante es la constancia en el entrenamiento"
- Fallece un trabajador en una torre de alta tensión junto al túnel del Padrún: retenciones en la autopista
- Adiós a las vacaciones escolares de toda la vida: los alumnos tendrán casi tantos días de descanso en Todos los Santos que en Semana Santa
- El pueblo de Asturias donde veranea Dani Carvajal con su familia: así es el 'Hollywood del norte
- Conmoción por la muerte en un accidente de moto en México del policía asturiano David Trapiella Megido, de 50 años
- La exitosa pareja de Asturias premiada por Ayuso en el Día de la Comunidad de Madrid por ser ejemplo 'de lucha de todo lo bueno que hay en la vida
- La ganadería de los horrores: investigan a un matrimonio del Oriente por dejar morir a dos vacas y dos terneros y tener sin comer al resto del ganado
- Definir el desarrollo turístico y abordar el crecimiento de los concejos, retos del plan del litoral de Asturias
