Federico Granell entra a lo grande nel xardín del muséu
"Ofrenda floral", la escultura que'l cangüés creó pa la Selmana del Arte, ta concebida como un gran regalu pa la pinacoteca y pa Uviéu
La Selmana Profesional del Arte, qu'entama la Fundación Municipal de Cultura d'Uviéu y patrocina LA NUEVA ESPAÑA, entró nel Muséu de Belles Artes d'Asturies. Nel so afayaízu xardín dexó Federico Granell un gran regalu en forma d'escultura. "Ofrenda floral", una gran mano que tien por un ramu de flores que s'arrama sobre'l verde, quedó instalada esti día, el so autor va charrar con quien s'avere a contemplala.
Como se trata d'una pieza de gran altor, que ronda los trés metros y sobresal pela rexa del xardín, esti día llamó l'atención y yá recibió munches visites. L'artista cangués concibió la pieza como un regalu pal Muséu : "Una gran mano ufiertando flores al muséu, un gran regalu pa un gran muséu", y pa la ciudadanía: "Tamos viviendo una dómina murnia, cola pandemia, la guerra, y pensé en facer daqué allegre".
Esta escultura ye tamién "un esperimentu", con una escala cola que Granell nunca trabayara y na que piensa siguir escucando. "La xente ta plasmada, esto nun se paez a lo que yo facía. Nunca fixera una escultura d'esterior. Pa mi supon abrir una puerta a investigar y escucar nueves idees", comentó. La figura d'un neñu, con flores na so mano y coles dimensiones coles que trabaya davezu l'artista, completa l'escenariu, en "un xuegu d'escales y misteriu".
El Belles Artes va tiempu que cunta ente los sos fondos con obra de Federico Granell, pero nunca foi espuesta . "Esta ye la mio primer obra a la vista nel Muséu", bromia l'artista.
El director de la pinacoteca, Alfonso Palacio, compara "Ofrenda floral" cola de Claes Oldenburg y la de Juan Muñoz, detecta nella "ciertu a aire pop y teatralidá" y avanza que la so estancia nel xardín del Muséu va allargase más allá del final de la Selmana del Arte. "Afáyase como un guante", confirmó Palacio.
- Alerta máxima por los pisos en alquiler que pasan a ser turísticos: la ley con la que espera frenarlo el Principado
- El emotivo discurso de la viuda del guardia civil que salvó la vida de un pelotón ciclista en Pravia: "Olvidé decirle adiós
- Un ciclista se rompe varias costillas al caer en la ruta de las trincheras de Candamo
- El jefe superior de Policía, al recibir el "Asturiano del mes": "Vamos a por otros 100 años
- Bárbara Monte, presidenta de la Confederación Hidrográfica: "Los embalses en Asturias están al 90%, pero tienen muy poca capacidad de almacenamiento
- Asturias se salva de la debacle de medicina de familia en las plazas MIR, pero deja 8 vacantes
- El Ministerio de Sanidad planea cambios en las plazas MIR para que no haya vacantes de médico de de familia
- Fervor por al AVE en Asturias: más de nueve mil billetes vendidos, horas de colas y el hombre que se gastó casi mil euros en la taquilla