El mosquitu de Xapón, nueva especie invasora n'Asturies: asina ye esti insectu
El plan nacional de prevención d'enfermedaes tresmitíes per vectores inclúi un insectu con presencia consolidada na rexón
El mosquitu de Xapón.
Primero foi'l "mosquitu tigre" y agora vamos empezar a sentir falar del "mosquitu de Xapón". El Ministeriu de Sanidá, al traviés del Centru de Coordinación d'Alertes y Emerxencies Sanitaries (CCAES), quier meyorar el control y la vixilancia de los mosquitos que pueden tresmitir enfermedaes y por eso ta dándo-y encontu y espardimientu a una app de notificación y siguimientu de l'acción d'estos insectos.
Llámase "Mosquito Alert" y esta ferramienta, que permite a cualquier persona apurrir información sobre la presencia y actividá de los mosquitos, empezó pa lluchar contra'l mosquitu tigre y el de la fiebre mariello, vectores d'enfermedaes como'l Zika, el Dengue y el Chikungunya. Pero agora axuntó tamién otra especie invasora al so siguimientu. El mosquitu de Xapón que de toa España ye n'Asturies onde tien especial relevancia.
Tal y como como esplica Àlex Richter-Boix, coordinador de proyectos científicos en CEAB-CSIC de "Mosquito Alert", "ye importante realizar un siguimientu de toles especies invasores pa poder evaluar el so impactu ecolóxicu, económicu o sobre la salú animal o humana" nos territorios onde s'afiten. Y nesa clave, "unes especies tienen mayor importancia qu'otres; y los mosquitos son relevantes tocantes a la capacidá de dalgunos d'ellos d'actuar como vectores d'enfermedaes".
Pa la tranquilidá de los asturianos, el mosquitu del Xapón "supon un riesgu menor", diz Richter Boix, en comparanza col tigre o el de la fiebre mariello, "pero les autoridaes europees encamienten llevar un siguimientu de la especie mesmo que d'otros mosquitos invasores".
La nueva especia invasora: el mosquito de Japón
Los espertos dan por afitada la presencia del mosquitu de Xapón na Cornisa Cantábrica, y especialmente n'Asturies. La primer notificación fiíxose en 2018 y d'ende d'equí pa enriba surdieron munches más. "Dende la primer detección de la especie n'Asturies va cinco años los ciudadanos mandaron informes con fotografíes del mosquitu tolos años, teniendo anguaño un total de 29 informes positivos n'Asturies de 14 conceyos distintos: Uviéu, Xixón, Avilés, Cangues d'Onís, Grau, Llaviana, L.lena, Llanera, Piloña, Les Regueres, Ribeseya, Siero y Villaviciosa", esplica l'espertu.
"Mosquito Alert" supon que la ciencia ciudadana enxertase por primer vegada como ferramienta de vixilancia nel nuevu plan nacional de prevención, vixilancia y control de les enfermedaes tresmitíes por vectores.
"El mundu ta camudando a gran velocidá; nun podemos emprobar los problemes ensin camudar la nuesa manera d'encaralos. Fai falta anovar pa consiguir sistemes de vixilancia eficientes. La ciencia ciudadana ye clave pa lo que nos pertenez güei", dixo Fernando Simón, director del Centru de Coordinación d'Alertes y Emerxencies Sanitaries, na presentación del plan nacional.
El mosquito de Japón
"Xeneramos información costantemente nos nuesos teléfonos móviles, esto tiennos que sirvir pal control de vectores y munches otres temes de salú pública", añedió .
Lo que se ta promoviendo ye una acción comunicativo y divulgativo por que la ciudadanía participe nel proyectu. Col lema "Si te pica, ¡notifica!" quier estudiase la espansión del mosquitu tigre; xenerar el primer mapa de picadures d'España pa identificar ónde y cuándo hai una mayor interacción ente humanos y mosquitos; ampliar les conocencies sobre la distribución del mosquitu del Xapón na cornisa cantábrica; y detectar la posible llegada del mosquitu de la fiebre mariello.
- Las razones de Nacho Manzano para cerrar su restaurante de Oviedo con estrella Michelin: “Era imposible mantener el nivel por falta de tiempo”
- Muere el pasajero de un avión en el Aeropuerto de Asturias: una viajera y sanitarios de una UVI móvil desplazada (el aeródromo ya no tiene ambulancia) intentaron reanimarle
- La familia asturiana Cosmen mantiene su empeño en operar trenes en el Eurotúnel, pese al primer revés
- Nacho Manzano sopesa el cierre de su restaurante con estrella Michelin NM
- Los 850 empleos que Indra ofrecerá en Asturias: los perfiles que demanda (desde ingenieros a estudiantes de FP) y cómo optar a ellos
- Lo que han conseguido los médicos con la huelga en Asturias: guardias de 12 horas, más sueldo para los MIR, menos penalización si trabajan en la privada...
- El increíble 'boom' en Asturias por el ansiado eclipse solar: alojamientos casi llenos (incluso barcos) y 950 euros por noche
- La Aemet alerta de la bajada de temperaturas en Asturias: vuelven los valores bajo cero
