La Orquesta de Cámara Siero pon rumbu a Bosnia n'otru de los sos proyectos de cooperación
La so iniciativa d'esti añu del programa "Vínculos" permitirá-yos esplorar na música sefardina
El conciertu de la orquesta de Siero l'añu pasáu nun centru de refuxaos de Leópolis (Ucrania). / LNE
María Villar / Sixto Cortina (Traducción)
La Orquesta de Cámara de Siero (OCAS) punxo rumbu a Bosnia nun nuevu proyectu de los músicos asturianos que va sirvir p'ampliar los sos «Vínculos». Esi ye'l nome col que dende va años los integrantes de la Orquesta de Siero, que dirixe Manuel Paz, entamen una iniciativa de cooperación internacional y d'integración social y cultural al traviés de la música, «que promueve y da a conocer delles cultures, maneres de vida, costumes,… ensin discriminación de races, relixones, clases sociales, etc», espliquen dende la Orquesta. Fai falta recordar que l'añu pasáu esos «Vínculos» lleváronlos a tocar con músicos ucranianos na so área d'influencia, solo unos meses dempués d'empezada la guerra.
Esta vegada l'aldu púnxose p'hacia Bosnia porque, como espliquen los de Siero, son munchos los llazos que xunen a España con Bosnia Herzegovina, «unos son de mui recién, como la decisiva participación del exércitu español na pacificación de Móstar; otros son ancestrales, y la mayoría d'éstos tienen que ver cola numberosa población descendiente de los xudíos sefardinos, que caltuvo a lo llargo de los sieglos, solo por aciu la tradición oral, la llingua, la cultura y la música». Espliquen amás que «agora abultábanos mui afayaízo afondar nestos llazos y crear otros tan compatibles como eficaces, los del intercambiu y la conexón que la tecnoloxía y la comunicación de los nuesos díes permite».
Nesti viaxe cultural y musical les collaboraciones previstes de la OCAS van ser col coru femenín Ensamble Corona de Sarajevo, qu'interpreta música sefardina, y pa eso tienense fecho delles orquestaciones; y cola Orchestra Balsika, un proyectu xuvenil de Tuzla «de grandes semeyances cola OCAS», espliquen dende la formación de Siero.
El repertoriu inclúi dellos númberos de Zarzuela cola soprano asturiana Paula Lueje, delles orquestaciones de músiques sefardines realizaes polos compositores asturianos Javier Vázquez, Elio Bernalt, Javier Blanco amás de Flores Chaviano, y tamién repertoriu familiar pa la participación del públicu.
La so primer escala foi en Jasenovac, en Croacia, y d'ehí punxéronse camín de Tuzla. Yá dieron el so primer conciertu na cai cola Orchestra Balsika.
- El ganadero asesinado en Ribadesella dejó todos sus bienes a su pareja, la mujer en la que se centró la investigación de la Guardia Civil
- Tres de cada cuatro médicos asturianos ganan más que el presidente (y los hay, en zonas periféricas, que alcanzan los 150.000 euros anuales)
- Localizan en la costa francesa el cuerpo del pescador desaparecido en Coaña hace más de dos meses
- Alerta para conductores asturianos: una conocida marca pide dejar de usar sus coches por 'riesgos graves para la seguridad
- Se buscan 100.000 metros cuadrados en Asturias para el gran almacén de datos de IA: 'Tenemos prisa; si no, consideraremos Galicia o Cantabria
- El centro comercial Parque Astur cambia de manos: este es el grupo que se convierte en el principal propietario
- Una inversión de 1.000 millones y 700 empleos: así es el proyecto para crear un gran almacén de datos de IA en Asturias
- El nuevo radar instalado hoy que pilla por sorpresa a los conductores en la A-66 en Asturias: multas de 200 euros
