El secretu de la meyor casadiella del mundu ta na masa (y nel ciclismu)
"Nun podemos quitala de la carta" afirmen los dueños de la confitería Colón de Villaviciosa, ganadores per segunda vegada del concursu celebráu en La Foz de Morcín
Ángel Sánchez y la so fía Clara, colos premios a la meyor casadiella. / Alicia García-Ovies
El secretu de la meyor casadiella del mundu ta, como suel dicise, na masa. Y, poques gracies, na so materia prima: nueces, ablanes, azucre, güevos y anís. Una combinación ganadora que permitió a la confitería Colón de Villaviciosa alzase por segundu añu consecutivu col primer premiu na modalidá profesional del Concursu Mundial de Casadielles celebráu en La Foz de Morcín.
"Tamos percontentos. La nuesa intención nun yera ganar, porque yá lo fixéramos en 2020, pero creo que ye importante qu'esti tipu de concursos s'afiten y, por qu'eso pase, los hosteleros tenemos d'implicanos", defende Ángel Sánchez, creador de la receta que pa la ocasión cocinó la so fía Clara. "Ún ganelu yo. Ella, l'otru", diz con arguyu.
Sánchez lleva "coles manes na masa" tola vida. Empezó con dieciséis años siendo panaderu y, darréu, interesóse pola pastelería. En 1981 abrió, xunto a la so muyer Blanca Caso, la confitería Colón en plenu centru de Villaviciosa. “De primeres teníemos casadielles en feches concretes, como antroxu o los difuntos, pero un día vieno un masaxista d'un equipu ciclista y llevó delles. Encantáron-yos, llamábenles cartuchos pola enerxía que-yos daben y empezaron a encarganos más. Tuvimos dellos años collaborando con dellos equipos, faciendo l'avituallamientu", recuerda.
En 2020, llograron alzase per primer vegada col galardón a la meyor casadiella del mundu y eso foi l'emburrión que-yos faltaba. “Agora nun podemos quitala de la carta. Les ventes medraron muncho y vien muncha xente d'otros conceyos específicamente a por elles”, afirma Clara Sánchez.
Esti nun ye, amás, el so únicu premiu. Tamién presumen de tener el galardón a la meyor tarta de mazana. "Esti ye un oficiu bien guapu. Siénteste mui satisfechu, non solo porque faes un productu dende cero, sinón porque la xente valóralo", considera Ángel, quien supo tresmitir esi amor pola pastelería a la so fía.
- Un futuro para 'ayudar a la gente': cuatro jóvenes médicas explican por qué han optado por la especialidad de familia
- Hay dos obras asturianas en el caso de corrupción en la cúpula del PSOE y así fueron las conversaciones de Koldo para amañarlas: 'Hemos hecho bingo en Asturias
- La educación levanta la huelga tras lograr 45 millones para mejoras laborales y salariales: estas son las 37 medidas del pacto
- El 94,57 % de los alumnos aprueba la PAU en la convocatoria de junio en Asturias
- Multitudinaria marcha naranja de la concertada en Asturias para pedir 'igualdad' con la pública: 'Barbón nos desprecia
- Barbón nombra a Eva Ledo nueva consejera de Educación tras la dimisión de Lydia Espina por la huelga: 'Lo conoce todo
- ¿Cuándo salen las calificaciones de la PAU en Asturias y cuáles son las notas de corte para estudiar en la Universidad de Oviedo?
- El Parlamento asturiano rechaza la oficialidad del asturiano y del eonaviego, pero el PSOE persistirá y el PP se opone a toda 'imposición
