El turismu xacobéu gana estranxeros y afita la so desestacionalización n'Avilés
Les pernoctaciones nos meses de primavera xuben al respeutive de 2022: de 992 a 1.161 y la nacionalidá más repitida ye l'alemana
Dos californianes nel albergue avilesín esti branu pasáu. / Mara Villamuza
Añádenos en GoogleEl repasu de les cifres del albergue "Pedro Solís" d'Avilés a lo llargo del añu pasáu, con 5.162 pelegrinos, igualaron prácticamente a les rexistraes un añu primero, cuando s'algamaron les 5.202. Magar que s'esperimentó una llixera perda de 40 pernoctaciones, les cifres permiten caltener viva la esperanza d'algamar los 5.900 agospiaos que se llograron nos años previos a la pandemia de coronavirus.
L'enclín que se caltien exerciciu tres exerciciu ye que sigue creciendo'l númberu d'estranxeros que pernocten nes instalaciones municipales pa pelegrinos n'Avilés. Asina, en 2023, los pelegrinos internacionales superaron por muncho a los nacionales: 3.361 estranxeros frente a 1.801 españoles, lo que supon daqué más del 65 por cientu de los agospiaos. En concretu, los estranxeros incrementaron el so númberu en 159, mentanto que los españoles que pernoctaron recularon en 99 al respeutive de 2022.
Sicasí, nesta ocasión, ente los meses de febreru y mayu esperimentóse una crecedera d'asistentes a les instalaciones del Pedro Solís. En febreru dobláronse les cifres de 2022 (de 15 a 33), mentanto qu'en marzu (de 81 a 87), abril (de 318 a 412) y mayu (de 578 a 629) esperimentóse un fenómenu que dende l'albergue percíbese como una forma d'escapar de les altes temperatures braniegues. Como nel turismu, a tenor de les cifres, la pelegrinación tamién taría viviendo una desestacionalización de les sos feches tradicionales. Nesi sentíu, los responsables del equipamientu señalen que los pelegrinos esperimentaos tamién intenten "separase" de les aglomeraciones que se producen nes feches centrales del añu. Tocantes a les nacionalidaes, los pelegrinos alemanes siguen siendo los líderes de la estadística, con 618 persones nel albergue d'Avilés. Sígenlos, a muncha distancia, los franceses (492) siguíos de cerca polos italianos (479). A mayor distancia vienen los estadounidenses (224), holandeses (159) y polacos (104).
Como nota reseñable, los visitantes dende Asia y Oceanía manden n'Avilés nel sen de que son les nacionales de pelegrinos qu'aumentaron: dende Australia, de 32 a 64; de China, pasaron de 33 a 48; de Corea, con un saltu de 35 a 57 o Xapón, de 14 a 29. Tamién Brasil xubió, de 27 a 48 pelegrinos, que suplieron l'amenorgamientu de los 99 españoles al respeutive de 2022. Los meses de branu sigue siendo l'auténticu referente a la d'aventurase a realizar el Camín de Santiago na so ruta Norte .
A lo llargo de la temporada braniza (xunu, xunetu y agostu) rexistráronse 586, 891 y 1.025 pernoctaciones respeutivamente.
- Emergencias insta a la población asturiana a no ducharse y a cerrar puertas y ventanas mientras dure la tormenta
- La carrera que bate récord en la Universidad de Oviedo y desbanca a Medicina: las primeras notas de corte y listas de admitidos
- Panorama dantesco por la tromba de agua en una aldea de Cangas del Narcea: 'Se nos ha llevado el coche, un tractor grande fue arrastrado y dos ternerinos están muy mal
- Conmoción en Pravia por la muerte Raquel Suárez, 'Tati', la joven apasionada de las motos, 'trabajadora y buena persona', que sufrió un accidente en el Motorbeach
- Cae la mundial en Asturias: una espectacular tormenta barre de punta a punta la región con lluvias muy fuertes, 1.200 rayos en una hora y truenos que parecieron explosiones
- Mañana caerá el gran chaparrón del verano: a partir de las dos de la tarde toda Asturias estará en alerta por fuertes chubascos y tormentas con granizo
- Se llevan a una perra de una ganadería asturiana al creer que estaba abandonada: 'Es surrealista, está perfectamente alimentada
- Descuento para los asturianos que viajen en autobús con la tarjeta Conecta: cuándo entra en vigor y en qué condiciones
