Los pitufos crecen en Siero: asina trabaya la empresa de Granda na que nació la "pitufoglorieta"

Entrar na nave de Mylideas nel polígonu de Proni, en Granda (Siero), ye somorguiase nun mundu de fantasía y diversión. A la vuelta de cada esquina, aprucen personaxes como Batman, Ironman, los Minions y, poques gracies, los pitufos. La empresa foi la encargada de crear la esitosa imaxe de "Gruñón" pa la conocida como "pitufoglorieta" de Llugones, que yá tien hasta localización en google maps. Laura Hernández, xerente de la firma y socia fundadora, reconoz que "la verdá ye que nun esperábemos que tuviera tanta repercusión". Más tovía, treslladaron a los propietarios de la marca, la espectación que ta xenerando. "Dixímos-yos que cuando vengan, van ablucar", afirma la responsable de Mylideas.

Hernández, que se declara fan incondicional de magar yera pequena d'estos diminutos personaxes, sorraya que, pa ella, foi un trabayu "perespecial". De primeres, porque siempre me gustaron, pero, sobremanera, porque por fin fiximos una pieza pa que quedare en casa". A lo llargo del últimu añu, pa una campaña de gafes infantiles de la firma Armani, la planta de Meres fabricó 135 pitufos pa dellos puntos d'Europa".  

María José Posada, primer executiva de la empresa, tamién reconoz que "sorprende la rapidez cola que la xente ta axuntándose a la iniciativa y lo que como daqué mui positivo". "Llámanos l'atención, sobremanera, que los hosteleros tán dándose cuenta de qu'esto puede sirvir pa crear un enclave y que la xente visite Llugones". "Hai un par de locales d'hostelería que yá nos pidieron répliques de metru y mediu pa instalar nos sos negocios", avancen. 

EN IMAXES: Asina trabaya la empresa de Siero na que nació la "pitufoglorieta"

Ver galería

Pero Mylideas nun vive de pitufos namás. La empresa tien llicencies pa la esplotación de marques como Marvel, Harry Potter, Disney, Monopoly o Lego. "Con esta postrera tamos trabayando agora mesmo nun proyectu que va ser esportáu a toa Europa", indica Laura Hernández. Dempués de cubrir encargos pa países como Inglaterra, Italia, Alemania, Francia, Dubai o Bélxica, los sos productos tán empezando a aportar tamién a Estaos Xuníos (EE UU). "La oportunidá llegó gracies al boca a boca. Responsables d'empreses americanes tán viendo lo que facemos n'otros llugares y son ellos los que nos llamen pa encarganos nuevos proyectos", señala Hernández.

 "Tamos n'Asturies, somos asturianos y trabayamos dende Siero pal mundu". Asina, la planta de Proni cunta con dellos departamentos, como'l taller de vinilu, el de carpintería o'l de pintura. "Dende la comercialización hasta la instalación, facémoslo nós too", detalla la xerente. "Esto permite que los veceros aforren tiempu y dineru, y que nun tengan que contratar a delles empreses pa consiguir lo que quieren".

"Gruñón" foi la so primer collaboración col Conceyu de Siero a esti nivel, porque enantes yá trabayaren col Consistoriu na organización d'eventos o cuestiones de merchandising. Avancen que nun va ser la última. "Esto nun va aparar equí, yá que 'Gruñón' sentó'l precedente por que lu sigan munchos más", conclúin les responsables de la firma.