El Sespa incorpora a 28 médicos d'otres comunidaes nel concursu de tresllaos

Fachada del edificiu d'hospitalización del HUCA.

Fachada del edificiu d'hospitalización del HUCA. / Irma Collín

Sixto Cortina (Traducción)

El Serviciu de Salú del Principáu (Sespa) va incorporar llueu a la so plantiya de sanitarios a 28 nuevos médicos especialistes, dientro del procesu de movilidá correspondiente al primer ciclu d'esti añu. 

Amás, otros 28 médicos que yá taben trabayando na rede sanitaria pública asturiana camudaron el so destín aprovechando'l nuevu concursu de tresllaos. 

La mayoría de les nueves incorporaciones vienen de Castiella y Lleón (18). El restu aporten dende Aragón (2), Baleares (2), Galicia (2), Cantabria (1), Castiella-La Mancha (1), La Rioxa (1) y Madrid (1). 

Nesti primer procesu del añu, el Sespa axudicó places en 29 especialidaes, ente les que figuren Medicina Familiar y Comuñal, Pediatría, Anestestesioloxía, Radiodiagnósticu, Psicoloxía Clínica, Ciruxía Xeneral, Medicina Interna y Medicina Nuclear. 

Estos especialistes axúntense a otros 41 profesionales ente facultativos, enfermeres, auxiliares alministrativos, celadores y técnicos en radiodiagnósticu y en cuidaos auxiliares d'enfermería que s'integraron al Sespa a finales de febreru, depués del concursu de tresllaos de finales de 2023.

“Cola ayuda de la Conseyería de Cultura, Política Llingüística y Deporte del Principáu d´Asturies”.