Un barcu "del futuru" navegando en Xixón: capacidá pa 1.200 pasaxeros, 450 coches y un costu de 126 millones

La embarcación fabricada por Armón pa Baleària tien tamién salón VIP, zona infantil, tienda o cafetería y va facer les rutes ente Mallorca, Menorca y Barcelona 

Un barcu "del futuru" navegando en Xixón

LNE

Sixto Cortina (Traducción)

El Margarita Salas de Baleària fexo les primeres prebes de navegación, que formen parte de la fase final de la construcción del buque, que la naviera espera recibir a finales de xunu. Esti ye'l segundu "fast ferry" con motores duales a gas natural del mundu que se ta construyendo nos astilleros Armón de Xixón. Ye una embarcación que va conectar diariamente y a lo llargo de tol añu Mallorca, Menorca y Barcelona y que ta construyida polos astilleros Armón. Esti buque, que supunxo una inversión de 126 millones d'euros pa la naviera, destaca pola so sostenibilidá al navegar a gas natural y tamién pola comodidá y prestaciones a bordu.

El Margarita Salas tien capacidá pa 1.200 pasaxeros y 450 vehículos, igual qu'el so ximielgu Eleanor Roosevelt, pero axunta una segunda cubierta de pasaxe con un salón de butaques, de cuenta que gana amplitú nos espacios interiores. Amás, la terraza de popa ye de mayores dimensiones ya inclúyese un modelu de butaques más afayaízu nel salón VIP. El diseñu de los interiores y los servicios dixitalizaos tán enfocaos a garantizar una esperiencia a bordu única. Los pasaxeros van poder viaxar en distintes acomodaciones y disfrutar de servicios como cafetería, tienda, zona infantil con xuegos interactivos, accesu a internet y cobertoria de mensaxería instantánea gratuita en tola travesía, tarxeta d'embarque dixital con asignación de butaca, plataforma gratuita d'entretenimientu o zona de mascotes aclimatada y con videovixilancia.

“Cola ayuda del Gobiernu del Principáu d´Asturies”.