Los americanos tornen a Avilés un sieglu dempués

"Pedro Menéndez" recrea la visita d'una delegación d'EE XX a la ciudá en 1924

Sixto Cortina (Traducción)

Foi un 7 d'agostu de 1924 cuando, cola sida del treslláu de los restos de Pedro Menéndez, el "Adelantáu" d'Avilés, sentáronse les bases de la nueva relación ente España y Estaos Xuníos. Entós una delegación americana llegó a la ciudá por tren pa participar na celebración del 350.u aniversariu del óbitu del insigne marín. Esti día Avilés reculó un sieglu gracies a la recreación d'aquella visita impulsada pola asociación de vecinos "Pedro Menéndez" coincidiendo cola última celebración de la Nueche Blanca. Participaron unes cien persones.

El percorríu partió un poco más tarde de lo previsto de la estación de Renfe y siguió per Emile Robin, onde los vecinos instalaron, como daquella, un arcu de bienllegada cola mesma inscripción: "A los representantes de la Florida. El pueblo de Avilés". El cartel, reaprovecháu de la carroza d'El Bollu de los de "Pedro Menéndez", causó sensación ente locales y visitantes que fixeron usu de la instalación temporal pa inmortalizarla nos sos teléfonos móviles. Cruciaron l'arcu l'embaxador d'Estaos Xuníos (l'actor Fran Roldán) y el so acompañante (l'actriz Dulce Victoria Pérez Rumoroso) sofitaos por permunches persones, con banderín d'Estaos Xuníos. 

Siguió'l desfile pela plaza de Pedro Menéndez, la plaza de la Mercé y La Cámara. En distintos puntos del itinerariu hubo actuaciones de "Swing 4", "Ximielga la Saya"...Tamién hubo músicos qu'interpretaron l'himnu d'Estaos Xuníos, el d'España y el pasudoble "La Entrada". Esto foi na plaza d'España, onde los actores interpretaron unos discursos y una curtia obra escrita por José Rico pa la ocasión. Nel testu rellató qué asocedió va cien años n'Avilés y adelantóse que va pasar el próximu agostu na ciudá ente los díes 7 y 14. La intención esti día yera "calentar motores".

“Cola ayuda del Gobiernu del Principáu d´Asturies”.

Suscríbete para seguir leyendo