El Día de les Lletres en Madrid va celebrase esti sábadu

Celebración del Día de Cuadonga, nuna imaxe d'archivu, nel Centru Asturianu de Madrid.

Celebración del Día de Cuadonga, nuna imaxe d'archivu, nel Centru Asturianu de Madrid. / LNE

EP

El Día de les Lletres Asturianes va celebrase tamién esti sábadu. La xornada, qu’entamen conxuntamente’l Centru Asturianu de Madrid y Iniciativa pol Asturianu, va entamar a les 17.30 hores con una ponencia d’Alma Hidalgo "¿Hai futuru? Mocedá y tresmisión xeneracional".

A les 18 hores, l’escritor Diego Solís va presentar el so poemariu ‘Volvemos en 6 minutos’. Depués, a les 18.15 hores va celebrase un recital poéticu con obres qu’apaecen na antoloxía ‘Surdiversu’, una obra de Berto García que recueye 50 años de poesía asturiana.

La xornada va continuar con Claudia Elena Menéndez, que va presentar l'últimu númberu de la revista 'Formientu'. A les 18.30 hores hores va presentáse’l grupu d’Iniciativa pol Asturianu en Madrid. Les actividaes van terminar con un homenaxe al Conceyu d’Asturies en Madrid.

“Cola ayuda del Gobiernu del Principáu d´Asturies”.