"Dixebra" va ser una de les bandes qu'amenarán la folixa de San Xuan en Trasona

El de Corvera va ser el segundu espectáculu de la xira: "Vamos ufiertar ún d'esos conciertos que fueron quien a asociar la Foguera col grupu"

"Dixebra", nun conciertu, nuna imaxe d'archivu.

"Dixebra", nun conciertu, nuna imaxe d'archivu. / F. Rodríguez

Sixto Cortina (Traducción)

"Dixebra" volverá actuar otru añu más na foguera de San Xuan de Tresona, na redolada del pantanu. La veterana banda asturiana empieza la so nueva xira esti sábadu día 15 en Cantabria, más concretamente nel festival Folkomillas, y seis díes dempués va volver a los escenarios p'amenar la nueche más curtia del añu y tamién la más máxica, según la lleenda.

Los "Dixebra" van llevar a Tresona un variáu repertoriu. Con especial atención al so últimu trabayu discográficu, "Ente la niebla" ensin escaecer temes yá emblemáticos de la so dilatada carrera de 37 años sobre les tables. Según destacó Primi Abella, guitarrista de "Dixebra", la xira "recupera dellos temes clásicos" como pue ser el casu de "Merucu xusticieru" y "Puerca vergoña". Según indica'l guitarrista, la Foguera de Tresona "foi parada obligada" de "Dixebra". "Hubo años que nun concretábemos nin el conciertu cola organización, bastaba con dicir ‘esti añu como siempre’. Pasamos muncha pena cuando'l gobiernu de la derecha en Corvera vetónos les actuaciones en Tresona", apuntó Abella, quien celebró que dende va años, 2011 pa ser concretos, "Dixebra" recuperó la "normalidá" con conciertos periódicos nos años socesivos, el postreru en 2022. "Esperamos volver ufiertar ún d'esos conciertos que consiguieron asociar la Foguera con ‘Dixebra", remarcó Abella.

El conciertu de la histórica banda de punk rock en llingua asturiana nun va ser l'únicu de la nueche. Tamién va participar, cuandu menos, una orquesta, tal que foi'l guion d'anteriores ediciones de la nueche del 23 de xunu en Tresona. El programa, a falta de más detalles va cuntar con dos fogueres, la principal cuenta instalase al pie del horru del pantanu y otra, pensada pa los neños, nel área recreativa d'Overo. 

N'anteriores folixes de San Xuan l'encendíu de la foguera infantil suel ser a les 22.00 hores y la principal, como marca la tradición, a medianueche.

“Cola ayuda del Gobiernu del Principáu d´Asturies”.