El Talud de La Ería acueye una amuesa d'arte ellaboráu con 6.000 globos

Patricia Santirso, nel Talud de La Ería, xunto a una de les sos composiciones.

Patricia Santirso, nel Talud de La Ería, xunto a una de les sos composiciones. / LNE

Sixto Cortina (Traducción)

El Talud de La Ería acueye dende va unos díes una esposición d'arte ellaboráu con globos, una amuesa al cargu de la uvieína Patricia Santirso. "Pa componer los distintos escenarios qu'hai espuestos utilicé más de 6.000 globos y delles técniques pa consiguir los efectos deseyaos", esplica Santirso, qu'acaba de ser almitida na Asociación Europea de Decoradores y Artistes del Globu (Aedag). 

Los qu'alleguen a la turria de La Ería van poder almirar hasta seis composiciones distintes, dende un globu aerostáticu cuasi de tamañu real ellaboráu tamién con globos más pequenos hasta un escenariu nel que se combinen les lluces, les flores y los globos pa entamangar una escena artística que poques vegaes puede contemplase n'Asturies. "Nun hai muncha xente que se dedique a esto. Pa mi ye una auténtica pasión", asegura Patricia Santirso. 

La uvieína utiliza técniques como'l double stuff –meter globos dientro d'otros pa llograr delles testures y colores–, la distorsión o les técniques de texíu. Los globos qu'utiliza tán trataos y son especiales por que duren el mayor tiempu posible . "Nun son globos de cumpleaños, son profesionales", diz Santirso.

“Cola ayuda del Gobiernu del Principáu d´Asturies”.