Los "Millennials" lleven a Llaboral la so realidá artística complexa

Una esposición na que participen 17 artistes enseña "la so visión del mundu y la relación cola tecnoloxía", diz DeSoto

Na filera d'atrás, pela izquierda, Susana Ballesteros, Jano Montañés, So Kanno, Marc Vilanova y Emanuel Gollob. Delantre, pela izquierda, Pablo DeSoto, Pierre Cutelli y Maria Smigielska, cola so fía Sofía.

Na filera d'atrás, pela izquierda, Susana Ballesteros, Jano Montañés, So Kanno, Marc Vilanova y Emanuel Gollob. Delantre, pela izquierda, Pablo DeSoto, Pierre Cutelli y Maria Smigielska, cola so fía Sofía. / Adrián Sierra

Sixto Cortina (Traducción)

Una muestra na que participen 17 artistes, de nueve países distintos (Francia, Austria, España, Rusia, Xapón, Suiza, Polonia, Alemnia y Reinu Uníu), y na que restolen na so relación cola tecnoloxía al traviés de distintes temátiques y puntos de vista, pero reflexando conceutos como la sostenibilidá, identidá de xéneru o la importancia de qu'esistan acercamientos críticos a la tecnoloxía. Eso y más ufierta "Millennials", la esposición que s'inauguró va poco en Llaboral Centru d'Arte, y va tar abierta al públicu hasta'l 31 d'avientu; una muestra que recueye los trabayos d'artistes nacíos ente les décades de los ochenta y noventa. "Son una xeneración marcada pol impactu de les tecnoloxíes. Nesta esposición restolen en cómo ven el mundu y la relación cola tecnoloxía", esplicó Pablo DeSoto, director de Llaboral. "Cavilguen sobre esos impactos, que faen que'l mundu seya cada vez más complexu", sorrayó.

En la imagen superior, algunos de los artistas, junto a una de las obras. Sobre estas líneas, la propuesta «Hipérbole», de Monica Rikic. | Adrián Sierra

Dellos los artistas, xunto a una de les obres. / Adrián Sierra

La primer parada na muestra lleva al espectador a averase a una instalación realizada por María Smigileska y CompMonks, sol títulu "Proteus 4.0" y que convida a afayar el comportamientu del ferrofluíu, un material qu'al traviés de la fuerza de campos magnéticos camuda costantemente de forma. "Hai una parte interactiva na qu'hai una tablet que prinda la mirada del espectador ya interpreta qué partes d'esa mirada son más significatives ya interesantes por mor d'esa reacción que produz la muestra", cunta Smigielska.

Los "Millennials" llevan a LABoral su realidad artística compleja

La propuesta "Hipérbole", de Monica Rikic. / Adrián Sierra

El percorríu sigue por "Kazotuchi", una instalación de pequeños robots que plantega cuestiones sobre la integración de la vida artificial. Y cerca apaez un proyectu español, con "OPN Studio", tituláu "The Pure Voice", de Susana Ballesteros y Jano Montañés, onde "intentamos esaniciar el xéneru normativu, col elementu principal de l'agua". 

Un brazu robóticu, coches autónomos o los sistemes cognitivos artificiales son otres de les propuestes que s'ufierten nun ampliu percorríu con multipantalles o esperimentaciones colos sistemes cognitivos artificiales.

“Cola ayuda del Gobiernu del Principáu d´Asturies”.