Doce actividaes prestosas: asina ye la propuesta cultural qu'entama el "Prestoso Fest" en Cangas

La viticultura, l'alfarería o la Sociedá d'Artesanos van protagonizar delles de les actividaes complementaries previstes pal 1, 2 y 3 d'agostu

Ambiente festivu nuna edición pasada del vermú entamáu pol Prestoso Fest.

Ambiente festivu nuna edición pasada del vermú entamáu pol Prestoso Fest. / Javier Rosa/ Prestoso Fest

Sixto Cortina (Traducción)

La séptima edición del "Prestoso Fest", el festival independiente que se celebra en Cangas, llega cargáu d'actividaes. Al marxe de la música, la organización acaba de desvelar una interesante propuesta cultural. En total, ufiértense doce "actividaes prestosas", que pretenden afayar al públicu dalgunes de les singularidaes del Suroccidente asturianu.

La viticultura, l'alfarería, el monesteriu de Corias o la Sociedá d'Artesanos protagonicen delles de les actividaes "que van ufiertar una visión xeneral de munches de les singularidaes del Suroccidente". Toles cites, complementaries a la propuesta musical del Prestoso, tienen un aforu llendáu y les entraes acaben de salir a la venta va poco.

Visita guiada de participantes en el Prestoso al llagar del Museo del Vino.

Visita empobinada de participantes nel Prestoso al llagar del Muséu del Vinu. / Demelsa Álvarez

La primer actividá cultural va ser un taller nel Workshop Raúl Mouro Origen, que va empobináu a diez persones y tien un costu de 35 euros. Esta propuesta, que se va celebrar en L.lamas del Mouro, va permitir conocer los oríxenes de la famosa cerámica negra d'esta localidá canguesa. En concretu, va realizase el torniáu en vivo pa esperimentar el trabayu de l'alfarería.

Otra de les cites va ser una visita al Muséu del Vinu de Cangas, nel barriu de Santiso. Va visitase'l llagar de Santiso y va facese una cata de vino. Tamién s'ufierta una visita al monesteriu de Corias y a la bodega del mesmu nome. Realizar una ruta en bicicleta de montaña pel paséu del vinu, disfrutar d'un vermú esclusivu nel parador de Corias o enfilar pela bodega Las Danzas constitúin otres de les propuestes. Coles mesmes, nel panel d'actividaes figuren visites con cata a les bodegues Martínez Parrondo, La Verdea y VidAs.

En collaboración cola Caxa Rural entámase l'actividá "PrestArte", que va ser gratuita, y plantega un aproximamientu a la tradición alfarera de L.lamas del Mouro de la mano del alfareru Raúl Rodríguez. La cita va ser na plaza del Conceyu y ta dirixida al públicu familiar.