Yá hai fecha pal XX Certame de gaita asturiana "Premiu Gaiteru Lliberdón"

El plazu d'inscripción va rematar el 26 de xunetu y hai un máximu de 12 participantes

Una edición anterior del certame.

Una edición anterior del certame. / LNE

Sixto Cortina (Traducción)

El Conceyu de Colunga, per aciu del Área de Cultura, y cola collaboración de l'Asociación Amigos del Conceyu de Colunga, el Centru d'Interpretación del Gaiteru Lliberdón, l'Asociación Cultural y de Festexos "San Roque" de Lliberdón, l'Asociación Vecinal "Fomentu de Lliberdón" y la Comisión de la Feria de Lliberdón, convoca'l XX Certame de gaita asturiana "Premiu Gaiteru Lliberdón" que se va celebrar na Plaza Chile de Lliberdón (al pie de la ilesia parroquial), el vienres 9 d'agostu, a les 19:00 hores.

Va haber dos categoríes: infantil (hasta 15 años, inclusive) y mozos/adultos. El plazu d'inscripción va rematar el 26 de xunetu. El cupu máximu va ser de 12 participantes per categoría. Los/-es participantes de la categoría infantil tendrán d'interpretar un tema llibre. Los/-es participantes de la categoría mozos/adultos tendrán d'interpretar dos temes llibres. En tolos casos va facese constar títulu y autor/-a, almitiéndose composiciones propies.

“Cola ayuda del Gobiernu del Principáu d´Asturies”.