La Casa de Cultura de Llugo (Llanera) acueye una muestra de los talleres de manualidaes

La esposición va tar abierta al públicu de llunes a vienres, n'horariu de 10.00 a 14.00 hores

La Casa de Cultura de Llugo (Llanera) acueye una muestra de los talleres de manualidaes

Miguel Fernández

Miguel Fernández / Sixto Cortina (Traducción)

La Casa Municipal de Cultura de Llugo acueye una esposición con una selección de pieces ellaboraes polos vecinos nos diversos cursos entamaos pol Ayuntamientu de Llanera. La muestra va tar abierta al públicu de llunes a vienres, n'horariu de 10.00 a 14.00 hores. Los visitantes van tener la oportunidá d'apreciar el talentu y la creatividá de los participantes nos talleres. Ente les obres d'esta muestra pueden atopase dellos estilos d'artes manuales realizaes a lo llargo de les distintes actividaes, como cerámica, tapices y talla.

Esta esposición ye una de les propuestes culturales de Llanera nesti periodu branizu na Casa de Cultura, na que, de magar esti llunes 8 de xunetu, va empezar el ciclu "LlaneGra" 2024, que se va allargar hasta'l 11 de xunetu con presentaciones y conferencies. Amás de les ponencies, va realizase una actividá al aire llibre de “Rural Sketching” cola que pretende enseñar el mundu dibuxu a dibuxu per aciu de la observación de la vida rural nun momentu determináu.

“Cola ayuda del Gobiernu del Principáu d´Asturies”.