Cine de branu en Güeñu (La Ribera): estos son los horarios, el programa y la cartelera

El XVI Ciclu de Cine al aire llibre rinde homenaxe al actor mierense Pedro Civera

La Central Artística de Güeñu.

La Central Artística de Güeñu. / Fernando Rodríguez

Sixto Cortina (Traducción)

Güeñu prepárase pa una de les cites marcaes en colloráu nel calendariu branizu de La Ribera. El XVI Ciclu de Cine al aire llibre yá ta al volver la esquina con un programa cargáu d'actividaes gratuites. Nesta ocasión, el festival va rindir homenaxe a Pedro Civera. L'actor mierense ye un gran veteranu de la pantalla, pa dellos recordáu pol so papel en "L'internáu" y pa otros, redescubiertu cola recién "Lliteratu". El ciclu ta entamáu pola Asociación Cultural de Güeñu en collaboración col Conceyu riberanu. Les actividaes van desarrollase na Central Artística de Güeñu (CAB), sacante la presentación. Esti ye'l programa :

Sábadu 13 de xunetu

12.30 hores. Nel Palaciu de les Artes y les Ciencies de Güeñu, rueda de prensa de presentación del XVI Ciclu de Cine al aire llibre. Participen Pedro Civera, Mary Paz Pondal, Laude Martínez, Tomás Fernández (alcalde de La Ribera), Laly Vázquez (conceyal de La Ribera) y demás invitaos. De siguío, realízase una visita empobinada a les esposiciones y a la CAB.

19.30 hores. Actu central d'homenaxe a Pedro Civera. Va haber un coloquiu con invitaos, autoridaes y medios de comunicación. Va tar presente'l periodista Christian F. Torre.

21.00 hores. Espicha de convivencia.

22.15 hores. Proyección del curtiu "Arraigo" de Luis Hernando y Luis Veloso; y de la película "Pájaros de Papel", d'Emilio Aragón.

Vienres 19 de xunetu

22.15 hores. Proyección del curtiu "Luces en la oscuridad", d'Enol Villamor; y de la película "Los Sobornaos", de Fritz Lang.

Vienres 26 de xunetu

22.15 hores. Proyección del curtiu "Guyulfo", de Nuria Vizcaíno; y de la película "Johnny Guitar", de Nicholas Ray.

Vienres 2 d'agostu

22.15 hores. Proyección del curtiu "Los trazos que quedan de ti", de Lía Lugilde y de la película "El crepúsculu de los dioses", de Billy Wilder.

“Cola ayuda del Gobiernu del Principáu d´Asturies”.