L'espiritual oboe armeniu qu'abre'l pensamientu : "Ye l'instrumentu de l'alma"

Hovhannes Karakhanyan ufierta una clas maxistral de duduk nel Festival de Música Antigua de Xixón

Hovhannes Karakhanyan, a la izquierda, colos sos alumnos Pilar Avello, Onésimo Braña y Jordi Fernández.

Hovhannes Karakhanyan, a la izquierda, colos sos alumnos Pilar Avello, Onésimo Braña y Jordi Fernández. / Ángel González

Francisca Balbontín / Sixto Cortina (Traducción)

"Ye un instrumentu espiritual qu'abre puertes nos sos pensamientos, por eso la xente quier tocalu". Asina falaba esti día sobre'l duduk Hovhannes Karakhanyan, músicu y profesor armeniu d'instrumentos de vientu de madera, na clas maxistral que sobre esi preséu con más de 3.000 años d'hestoria impartió nel Centru de Cultura Antiguu Institutu de Xixón con motivu del Festival de Música Antigua.

El duduk ye un instrumentu de vientu orixinariu d'Armenia. Tien delles semeyances col oboe y ta fabricáu en madera d'albaricocal. Tien doble llingüeta –denominada "ghamish" o "yegheg"– ellaborada con una planta autóctona crecida a la vera del ríu Arax. "La sonoridá ye una pasada. Hai que practicar, pero m'encanta", esplicaba Pilar Avello, una de les asistentes a la clas de Karakhanyan sobre'l que ye "ún de los instrumentos más antiguos del mundu". Los sos oríxenes daten del sieglu I enantes de Cristu.

El espiritual oboe armenio que abre el pensamiento

Les pieces del instrumentu. / Á. G.

"Ye l'intrumentu de l'alma" aseguraba Onésimo Braña, otru de los asistentes a la formación sobre'l peculiar preséu. "Conocíu por sacar el llau más íntimu del que lu toca", esplicaba, y con una popularidá que foi medrando nes últimes décades, hasta ser habitual n'orquestes de música antigua y medieval. 

El cursu de Karakhanyan terminó esti día depués de seis intenses hores de formación. Nelles los alumnos aprendieron a montar l'instrumentu cola so boquiella y a afinalu – "en 440 hercios", como puntualiza'l profesor– pero, sobremanera, pasaron hores disfrutando cola práctica d'esti singular instrumentu. 

Más allá de la so participación como docente Karakhanyan incorporóse al programa del Festival de Música Antigua con un conciertu del "Quintetu Karakhanyan" nel patiu del Antiguu Institutu.

“Cola ayuda del Gobiernu del Principáu d´Asturies”.

Suscríbete para seguir leyendo