Manuel García Menéndez recupera'l personaxe del inspector Marcos Engrueba pa la so novela nueva

Dientro del engrane.

Dientro del engrane. / IMPRONTA

EP

L'escritor Manuel García Menéndez acaba de publicar con Impronta la novela 'Dientro del engrane', onde recupera como personaxe principal al inspector Marcos Engrueba, protagonista de 'El visitante impropiu', obra qu'algamó'l Premiu Xosefa Xovellanos de novela nel 2018.

El primer títulu ta ambientáu en 1890 y preséntanos al inspector especial Marcos Engrueba, que tien que dir de Madrid a Uviéu pa resolver un crime con implicaciones polítiques. Engrueba ye fíu d’asturianos y espertu en delles de les técniques d’investigación policial más avanzaes que se conocen na Europa de la época.

En 'Dientro del engrane', el protagonista vuelve tar nun Madrid finisecular y preurbanita pa narranos una historia que s'inxerta nel xéneru detectivescu, pero arriquecíu cola mirada galdosiana a los tipos humanos y la concienzuda y rigurosa documentación hasta no más cotidiano y doméstico.

Dientro del engrane.

Dientro del engrane. / IMPRONTA.

Manuel García Menéndez (Uviéu, 1962) ye llicenciáu n’Historia. Nos años ochenta publicó obres de lliteratura infantil y nel 2013 editó la que pue considerase la so primer novela, 'La Sienda del Amigu Feliz', que describe un viaxe iniciáticu pelos caminos y montes de l’Asturies de posguerra.

Depués de ganar, nel añu 2018, la XXXIX edición del Premiu Xosefa Xovellanos de Novela con 'El visitante impropiu'm en 2019 publicó 'El faru de Gram', novela curtia d’ambiente nordic noir. En tou esti tiempu, dende que volviera a publicar nel 2013, siguió escribiendo cuentos o rellatos curtios como los que recoyó en 'Néctar dulce son los llevantos'.

“Cola ayuda del Gobiernu del Principáu d´Asturies”.