Los costos del absentismu llaboral n'Asturies dispárense un 63% en cinco años
El Principáu ye la tercer rexón coles baxes más llargues por continxencies comunes: una media de 67 díes
Un trabayador a la puerta d'una nave industrial nel Pepa (Avilés). / Ricardo Solís
El costu que supunxo pa les empreses d'Asturies les baxes temporales por contixencia común xubió en 2023 a los 476,9 millones d'euros. Esto ye un aumentu del 63,6% nos postreros cinco años, y del 16,5% al respeutive de 2022. Asina lo señala l'informe publicáu esti día pola patronal FADE y l'Asociación de Mutues d'Accidentes de Trabayu (Amat).
El Principáu, amás, ye la tercer comunidá autónoma onde más s'espurren les incapacidaes temporales, con una media de 67,4 díes l'añu pasáu, mentanto que'l promediu nacional asitia en 39,8. Esto ye, les baxes na comunidá son, de media, 27 díes más llargues que nel conxuntu d'España.
"L'absentismu ye una de les principales esmoliciones de les nueses empreses, y un problema particularmente acentuáu y grave n'Asturies", afirmó la presidenta de FADE, María Calvo, na presentación del estudiu. "Nun ye namás un problema de salú, sinón qu'esisten un conxuntu de factores regulatorios ya institucionales que contribúin a esta situación", indicó la empresaria. "Un pilancu grande ye que la xestión del absentismu queda fuera del control de les empreses; nun podemos intervenir", llamentó Calvo, qu'amestó que "más allá del costu económicu, la mayor adversidá que plantega l'absentismu ye la organizativa, una y bones munches pymes asturianes nun pueden xubir la persiana porque nun pueden atopar personal sustitutoriu cuando s'atopen delantre de baxes allargaes".
Pedro Pablo Sanz, director xerente d'Amat, señaló qu'una de les principales razones del abstensismu allargáu ye'l "llaberintu burocráticu" que se produz colos trámites del Serviciu Públicu de Salú, la Seguridá Social y les mutues. "La burocracia, les llistes d'espera na sanidá pública y el riesgu moral deriváu del usu indebíu d'estes prestaciones son los oríxenes d'esti mayor gastu, incrementen entá más la carga asistencial d'una sanidá tupía y suponen una importante mengua de competitividá de les empreses y un pesáu llastre pa la creación d'empléu y pal crecimientu económicu d'España", alvirtió Sanz.
"Cola ayuda del Gobiernu del Principáu d'Asturies"
- El nuevo destino de playa que incorpora desde este sábado el aeropuerto de Asturias (con vuelos desde 22 euros)
- Este es el misterioso y discreto mamífero asturiano que se incorpora al listado de especies en peligro de extinción
- Esta podría ser la alternativa del Sabadell frente a la opa del BBVA: una operación que sería de gran calado para Asturias
- Nuevas averiguaciones tras el accidente de Cerredo: el Principado eliminó en 2019 el servicio específico de Seguridad minera
- Llega una dana a Asturias: la Aemet activa la alerta por tormentas muy fuertes (y con granizo)
- Miles de personas claman por la oficialidad del asturiano en las calles de Oviedo: 'Nun vamos a parar
- Prevost se quedó a dos kilómetros de pisar tierras asturianas
- Los primeros profes asturianos de Educación Física cumplen treinta años dando clases: 'Era una carrera divertida y con base pedagógica
