El Black Friday y el Cyber Monday van xenerar 1.490 contratos n'Asturies

Les celebraciones del Black Friday, el próximu 29 de payares, y el Cyber Monday, el llunes 2 d'avientu, que se convirtieron nos últimos años en finxos de consumu poles sos ufiertes y promociones, van xenerar n'Asturies 1.490 contrataciones, según les estimaciones que realizó la empresa de recursos humanos Randstad.

Pa llevar a cabu estes previsiones, la compañía tuvo en cuenta los sectores de comerciu, loxística y tresporte, que son los que tán más directamente rellacionaos cola medría del consumu a lo llargo d'esti periodu de compres masives. Les 1.490 contrataciones previstes n'Asturies suponen un crecimientu del 24,7% al respeutive de los 1.195 contratos que se firmaron l'añu pasáu. Asturies ye una de les comunidaes que lidera'l crecimientu n'España con más de 6 puntos perriba de la media nacional prevista.

"Cola ayuda del Gobiernu del Principáu d'Asturies"