L'impactu que podría tener na flota pesquera d'Asturies la cruzada europea contra les artes de fondu
El direutor xeneral de Pesca Marítima defende en Bruxeles, con sofitu "científicu", el "nulu impactu" de la flota artesanal nos ecosistemes
El barcu de palangre "Mar de Medio" nuna visita al puertu pesqueru d'Avilés. / Ricardo Solís
El direutor xeneral de Pesca Marítima del Principáu, Francisco González, defendió esti día delantre del Comité Consultivu de Pesca n'Agües Sudoccidentales (CC Sud) el "nulu efeutu de la pesca artesanal asturiana nos ecosistemes marinos vulnerables". González aprovechó la xunta d'esti órganu asesor de la Unión Europea pa presentar un estudiu ellaboráu pola Conseyería de Mediu Rural y Política Agraria que determina, con rigor científicu, la compatibilidá ente l'actividá de la flota tradicional y el caltenimientu de los fondos marinos.
Esi informe que defende la compatibilidá de les discutíes artes de fondu (como ciertu tipu de palangres) y la sostenibilidá de l'actividá pesquera –cuandu menos del xeitu en que se fae n'Asturies– ellaboróse en conociendo'l dictame que'l Conseyu Internacional pa la Esplotación del Mar (ICES poles sos sigles n'inglés) emitió pa la Comisión Europea l'añu pasáu.
Nesi documentu, l'ICES actualizaba'l censu d'ecosistemes marinos vulnerables y analizaba la so situación, amás d'establecer sistemes de xestión pa prevenir posibles daños de l'actividá pesquera nel fondu marín. El documentu establez una serie d'árees vulnerables, "con un algame en superficie eleváu mui concentráu frente a la marina asturiana y n'espacios de vital importancia pa la flota local", según destaquen tanto les cofradíes de pescadores como'l Gobiernu del Principáu.
"La pesca de fondu ye un arte tradicional, mayoritariamente artesanal y llargamente practicada n'Asturies. Ello ye, que más del 93% de les embarcaciones d'artes menores emplega esti sistema siquier una vegada al añu, polo que ye fundamental pa la economía de la flota asturiana", manifestó Francisco González delantre de los miembros del CC Sud.
Les conclusiones del estudiu ellaboráu a instancies del Principáu determinen que nes árees marcaes como "vulnerables", nes que de magar tiempu inmemorial desarrollóse y tovía se desarrolla anguaño pesca de fondu , "siguen esistiendo estos ecosistemes o indicadores de la so esistencia, polo qu'el so caltenimientu ye compatible cola actividá pesquera tradicional ensin que faiga falta ampliar les restricciones".
"La estensión y concentración espacial de la propuesta de fondos vulnerables establecida en 2023 afectaría negativamente a los caladeros. Por tanto, pondría en riesgu los recursos pesqueros esenciales y, con ellos, la flota y puertos d'Asturies", concluyó González.
L'estudiu del Principáu, ellaboráu pol Centru d'Esperimentación Pesquera y l'Institutu de Recursos Naturales y Ordenación del Territoriu (Indurot) a partir de delles investigaciones asturianes y muestreos realizaos pola Dirección Xeneral de Pesca Marítima, tamién dexó evaluar el dañu que tendría pal seutor la posible declaración de zones vulnerables.
"Cola ayuda del Gobiernu del Principáu d'Asturies"
- Estos son los 35 candidatos a ser Pueblo Ejemplar de Asturias, un récord de aspirantes del Oriente al Occidente de la región
- ¿Es posible seguir el rastro de los tiburones en las playas de Asturias? Sí, con ayuda ciudadana
- El mejor pueblo de Asturias para tener una casa de verano, según ChatGPT
- Asturias sufre la tormenta perfecta en verano: obras en el AVE y en el Huerna prolongan a cinco horas el viaje con Madrid
- La consejera de Educación ficha a la coordinadora de Matemáticas en la PAU y a una inspectora: este es el equipo que liderará el cambio educativo en Asturias
- Adiós al buen tiempo en Asturias: mañana llega una dana y la Aemet activa la alerta por lluvias y tormentas
- Diecisiete compañías chinas colocan su foco de inversión en Asturias y hay gigantes como Huawei, CTG o Air China
- Están echando a los empresarios de Asturias', clama Luis Fernández-Vega sobre al polémico impuesto de sucesiones
