Windar, primer fabricante de torres offshore d'América
La multinacional remata en México la primer pieza de les noventa que va fabricar nuna planta asemeyada a la que va llevantar nel puertu d'Avilés
Imaxe de les obres d'ampliación de la filial Windarmex. / WINDAR
La planta de Windar Anovables en México convirtióse na primera y única de toa América que fabrica les grandes torres pa parques eólicos marinos (offshore). Ello ye que Windarmex, la filial mexicana de la multinacional nacida n'Avilés, remató la primera de les 90 torres que formen parte d'un pidíu de Siemens Gamesa pal so proyeutu Coastal Virginia Offshore Windfarm (CVOW), que se va allugar na marina este d'Estaos Xuníos y va componese d'un total de 176 aeroxeneradores.
Windar Anovables entamó en 2023 l'ampliación de la fábrica mexicana allugada nel Puertu d'Altamira (Tamaulipas), convirtiéndola na única de tol continente americanu que ye quien a construyir torres offshore XXL, como les que va fabricar n'Avilés, nes antigües naves d'Alcoa, nel Puertu d'Avilés.
Esta planta en México ye ún de los destinos que la multinacional ufierta pa un treslláu temporal a los 43 afectaos pola cayida de producción nes instalaciones de Xixón, en Windar Wind Services (WWS), amás de la posibilidá de les instalaciones de Fene, n'A Coruña. Pel momento, les negociaciones siguen abiertes.
La compañía esplicó nun comunicáu que la producción añal de la factoría mexicana va llegar hasta les 200 secciones de torres pa parques offshore, con un pesu máximu de 320 tonelaes y un diámetru máximu d'ocho metros, y ta enfocada principalmente a abastecer a les nueves instalaciones eóliques marines na costa este d'Estaos Xuníos.
El primer finxu consiguíu por Windarmex foi la finalización de la primera de les 90 torres que formen parte d'un pidíu de Siemens Gamesa pal so proyeutu Coastal Virginia Offshore Windfarm (CVOW), y va componese d'un total de 176 aeroxeneradores con una potencia instalada de 2,6 gigavatios y que va poder abastecer d'enerxía llimpia y sostenible al equivalente a 660.000 llares (Asturies tien 453.830, según l'Institutu Nacional d'Estadística).
Windar destacó qu'esti proyectu traxo la creación de 200 empleos direutos y que la so execución va allargase hasta 2026, anque los primeros embarques tán previstos p'agostu de 2025.
El presidente de la multinacional, Orlando Alonso, treslladó la so norabona "a toles persones implicaes nesti proyeutu, cuantimás a los nuesos trabayadores, por esti primer finxu d'un parque clave pa Windar, yá que, per aciu de Windarmex, asitiamos como proveedor estratéxicu p'atender la demanda prevista en Norteamérica pa los próximos años", yá que "somos l'únicu fabricante de torres offshore de toa América".
"Cola ayuda del Gobiernu del Principáu d'Asturies"
- Hacienda se pone firme en Asturias: inspeccionará ahora los pisos para buscar incumplidores fiscales por este motivo
- El metal asturiano no encuentra trabajadores: los motivos por los que la mitad de las empresas del sector tiene empleos sin cubrir
- Éstas son las notas de corte de la Universidad de Oviedo para el próximo curso: hay tres grados por encima del 13
- Malas noticias para los mutualistas asturianos: la devolución de los pagos de más en el IRPF volverá a demorarse (pese a las promesas del Gobierno)
- Cambio brusco del tiempo en Asturias: a partir de mañana... vuelven las nubes y el orbayo
- Zapatero habla de Barbón y su rechazo al acuerdo de financiación singular que propone Sánchez: 'Puede ir desarmado...
- Todo lo que perdería Asturias con la financiación singular de Cataluña: pensiones y servicios públicos, afectados
- No es Bali, es Asturias: el columpio secreto que tiene las vistas más increíbles y una historia preciosa
