Ana Elías avera'l so trabayu "Dormancia" al Evaristo Valle

El trabayu "Dormancia", d'Ana Elías, que se compon d'una decena de fotografíes analóxiques, en formatu circular, y revelaes sobre papeles avieyaos a lo llargo cuandu menos de dos décades, enséñase dende va unos díes nel Muséu Evaristo Valle xunto a dos poemes. Esta propuesta inxértase nel ciclu "SobreMESA", que vien axuntase no que fai a la fotografía asturiana que se recueye na sala d'esposiciones temporales del espaciu museísticu. La dormancia ye un períodu nel ciclu biolóxicu d'un organismu nel que la crecedera, desenvolvimientu y actividá física suspéndense temporalmente, polo que puede paecer que morrió, pero estes especies tornen a la vida más fuertes que nunca cuando se dan les circunstancies afayaíces. L'artista xuega con esa idea nuna busca ente borrines, arbolíu d'iviernu y tardes de llaboratoriu esperimentando con téuniques y materiales.

"Cola ayuda del Gobiernu del Principáu d'Asturies"