El mundu de la tonada despidió a "El Tordín", "l'asturianada personificada"

Les gaites sonaron na ilesia de San Pedro de La Felguera n'honor a José Fernández García, el cantante fináu a los 102 años

El féretru del Tordín, a la so llegada a la ilesia de La Felguera.

El féretru del Tordín, a la so llegada a la ilesia de La Felguera. / L. M. D.

Sixto Cortina (Traducción)

La canción asturiana despidió'l sábadu pasáu en La Felguera a ún de los sos referentes, "El Tordín de Frieres", José Fernández García, fináu a los 102 años. A les cuatro y media de la tarde, a la puerta de la Ilesia de San Pedro, "Los Gaiteros del Carbón" tocaben "Nel Pozu María Luisa" o "Santa Bárbara Bendita", himnu mineru y popular por excelencia. Facíenlo a la entrada del féretru nel templu y n'honor a "El Tordín", qu'empezó a trabayar de guah.e na mina La Riera, la más antigua d'Asturies, y más tarde fadría llabor en dellos otros pozos. Un mineru que nunca dexó de cantar. Asina que nun había meyor despidida posible.

"El Tordín" yera "l'asturianada personificada", como lu definió la llangreana Marisa Valle Roso, una de les cantantes de tonada de más sonadía de les últimes décades. Valle Roso alcordábase esti día de les vegaes que s'atopara con "El Tordín", "daba igual onde fora, facíen-y falta menos de trés segundos pa echase a cantar, yera daqué maraviyoso". Yera asina porque José Fernández García "yera un apasionáu del xéneru, una de les figures más carismátiques de la canción asturiana".

Marisa Valle Roso aseguraba qu'a "El Tordín" "va echáselu en falta enforma" pero tamién que "dexa un legáu maraviyosu de cantares, munchos d'ellos composiciones propies, que van ser una referencia pa los que venimos detrás y de los que tán por venir na asturianada y na cultura asturiana polo xeneral". Amás, la cantante destacaba que'l fináu "facíase querer". 

Ye daqué que tamién señaló otru históricu de la canción asturiana, Arsenio Fernández-Nespral, del Cuartetu Torner, que conoció a "El Tordín" siendo un guah.e, cuando'l llangreanu cantaba con so padre, "El Polenchu". "Otorgó un estilu mui personal a la tonada, daqué que nun tenía naide", afirma Fernández-Nespral de "El Tordín de Frieres", "un gran tenor que diba perbién a la gaita y a capela, un cantador históricu y una gran persona, humilde magar la fama".

"Cola ayuda del Gobiernu del Principáu d'Asturies"

Suscríbete para seguir leyendo

Tracking Pixel Contents