La industria asturiana caminó más que la media n'ochobre
La producción superó'l crecimientu español interañal, anque nel acumuláu dende xineru entá ye la cuarta comunidá con más retrocesu
Actividá industrial asturiana. / LNE
La producción industrial asturiana tuvo un crecimientu interañal n'ochobre cimeru al promediu español, con una meyora del 7,7% nel Principáu frente al impulsu del 6,4% nel conxuntu del país. Esto nun asocedía dende agostu de 2022, anque en dos ocasiones más de recién (setiembre de 2023 y xunu pasáu) el comportamientu asturianu tamién foi meyor que'l promediu porque l'esbarrumbe foi menor que la media.
Magar el diferencial de dinamismu conseñáu n'ochobre (1,3 puntos de mayor puxu fabril n'Asturies que nel conxuntu español), el Principáu ye la cuarta comunidá qu'axunta un mayor retrocesu no que va d'añu, con un descensu del 2,7% frente al 0,8% de crecedera nacional según l'índiz de producción industrial (IPI) del INE.
Estos datos estremen de los de la Sociedá Asturiana d'Estudios Económicos ya Industriales (Sadei), que'l so índiz de producción industrial d'Asturies (IPIA) da siete meses consecutivos (dende abril) de crecimientu interañal de la producción industrial asturiana.
Lo previsible ye que cuando s'espublicen los datos de payares, se conseñe una meyora mayor del índiz d'Asturies. La producción fabril asturiana sigue mui penalizada pola enerxía, con un retrocesu del 8,8% interañal n'ochobre frente a un crecimentu del 2,9% n'España. Esto obedez a que la bayura de sol y vientu perxudica a rexones como Asturies, con menor pesu d'estes fontes. Pero en payares disparóse'l recursu a los ciclos combinaos, lo que tendría de contribuyir a un mayor impulsu asturianu.
"Cola ayuda del Gobiernu del Principáu d'Asturies"
Suscríbete para seguir leyendo
- Hacienda devuelve a los pensionistas lo tributado de más por aportaciones a mutualidades
- La trágica muerte de Joel, exjugador del Oviedo de 20 años, tras un choque con su moto en Cabranes: 'Sentimos un golpe y nos echamos a temblar
- Fallece un motorista de 20 años tras colisionar frontalmente con una autocaravana en Cabranes
- El Principado autorizó en 33 días sacar carbón en Cerredo cuando para la mina de Narcea tardó 81
- Más sombras tras el accidente minero de Cerredo: el Principado tramitó suspender una multa a la empresa antes de que lo pidiesen
- Fallece la asturiana Belén del Valle, primera mujer que entró en la carrera fiscal
- La autopista del Huerna ve la luz al final del túnel: ya hay plazo para retirar el argayón, que requerirá nuevas voladuras
- San Xuan yá tien cartel y feches en Mieres: atopa equí'l calendariu de les patronales
