La minería nel oxetivu: les imaxes de los fotoperiodistes asturianos protagonicen el calendariu del Montepío
El Montepío de la Minería presentó'l so almanaque anual, una publicación qu'est añu lleva por títulu "Na vía" y que cuntó cola collaboración de l'Asociación Profesional de Fotoperiodistes Asturianos
Marcos León, Greta Cortina, Irma Collín (enclicada), Mandi Álvarez y José Luis Alperi. / D. O.
El Montepío de la Minería cumplió'l llunes pasáu con ún de los sos ritos navidiegos, la presentación del calendariu del añu qu'entra, que nesta ocasión mira hacia'l futuru, hacia la rexeneración de les cuenques mineres, y faelo con una mirada especial, la de los miembros de l'Asociación Profesional de Fotoperiodistes Asturianos.
La edición d'esti añu del almanaque mineru lleva por títulu "Na vía", porque como esplicó'l presidente del Montepío, Armando Fernández Natal, "ye'l momentu de nun perder el tren y de que les cuenques mineres aprovechen la llegada de l'alta velocidá ferroviaria". Natal señaló que-yos pidieron a los fotoperiodistes asturianos que reflexen "esi intermediu ente lo que fuimos y lo que queremos ser".
Asina lo fixeron cinco de los integrantes de l'Asociación. Julián Rus, Irma Collín, Álvaro Fuente, Manu Brabo y Chus Monteserín punxeron la so mirada al serviciu de la minería. Unos, como Álvaro Fuente, tienen yá una amplia trayeutoria nesti terrén, otros, como la vicepresidenta de los fotoperiodistes asturianos, Irma Collín, non tanto. Collín apuntó que pa ella "esti proyeutu foi un regalu porque me dexó vivir la minería, daqué que nos identifica tanto a tolos asturianos".
Marcos León, coordinador del proyeutu dende l'agrupación de fotógrafos, aseguró qu'en cuanto esplicó la iniciativa a los sos collacios, "la predisposición foi inmediata".
Ún de los primeros que quixo participar nel calendariu foi Manu Brabo, premio Pulitzer de fotografía. "Llamóme y díxome que taba perinteresáu, que quería facelo pero que taba nel Llíbano", esplicó León. A la fin Manu tornó a Asturies y pudo facer la so semeya, identificable dafechu nel calendariu pa los que conocen la so obra. Ello ye que Manu Brabo contaba asistir esti día a la presentación del calendariu , "pero tuvo que marchar a facer semeyes a Siria", disculpó Marcos León.
El calendariu recueye en 12 fotografíes la visión que los fotoperiodistes asturianos tienen d'esa "vía" pola que tien de circular agora la minería.
L'almanaque presentóse nel Espaciu Cultural 1910 de Mieres, que tien un conveniu de collaboración col Montepío de la Minería.
"Cola ayuda del Gobiernu del Principáu d'Asturies"
- Los 13 millones que recibirá Asturias para el arreglo urgente de carreteras: estas son las actuaciones
- Los estudiantes lo tienen 'crudo' para alquilar un piso en Asturias, aunque las chicas un poco menos: los caseros las prefieren a ellas
- El relato de los viajeros del avión que succionó a un hombre en Milán, ya aterrizados en Asturias: 'Vino corriendo, pasó por debajo y sentimos una vibración muy fuerte
- Covadonga volverá a tener canónigos: todas las claves de reorganización de la Iglesia asturiana (que será efectiva el próximo mes de septiembre)
- Alerta de los ingenieros con el tren en Asturias: el transporte de mercancías, en peligro
- ¿Cuál es la postura de los socialistas asturianos tras el comité federal del PSOE? Apoyo a Pedro Sánchez, pero con algunos avisos...
- Tras los profesores... turno de los médicos: amenazan con la huelga por los salarios y traslados en Asturias
- ¿Por qué no estuvo Adrián Barbón en el comité federal del PSOE? Esta es la razón de la ausencia del Presidente
