Un ron de premiu pa parase a pensar nes Cuenques
Sergio Carpio, que recuperó la histórica marca asturiana de destilaos Kiber en Valnalón, acaba de recibir un prestixosu galardón internacional por un ron especiáu avieyáu en carbayu francés
Sergio Carpio, na so destilería / FERNANDO RODRÍGUEZ
Va cinco años la xente de Kiber, la microdestilería asturiana allugada na ciudá industrial de Valnalón, en La Felguera, decidió meter ron nuna barrica de madera de carbayu francés y dexalo avieyar macerando y especiáu con dellos elementos botánicos. Pasáu esi tiempu'l resultáu foi tan pimpanudu que'l productu, esi ron especiáu, el primeru avieyáu n'Asturies, consiguió la medaya de bronce nos prestixosos World Rum Awards 2024, celebraos apocayá nel Reinu Uníu.
"Ye un ron col que llevábemos munchos años y nun acabábamos de sacalu. Fixímoslo y a la fin llogremos esti importante reconocimientu", esplica Sergio Carpio, responsable d'esta destilería artesanal. El resultáu van probalu dellos privilexaos namás, por que s'ellaboraron solo 150 botelles. "Ye un ron especiáu bien particular, nun ye un ron normal", esplica Sergio Carpio, que nun ye la primer vegada que recibe una reconocencia asemeyada. La so xinebra Gin Kiber recibió trés premios internacionales nos últimos años.
Ron artesanal "Cambaral" de Kiber. / LNE
Carpio recuperó la histórica marca asturiana de destilaos Kiber fai 10 años en Valnalón. Ellí lleva dende entós y esti premiu impulsólu a tomar una decisión. "Nun atopamos meyor forma d'agradecer a veceros y amigos que sacando a la lluz esti ron, que reposa na nuesa destilería cuasi dende los nuesos entamos. Esti premiu danos la tranquilidá que fai falta pa facer una posa na nuesa actividá a lo llargo d'esti 2025, tomar perspeutiva y entamala colos cambios que-y faen falta a la nuesa empresa", esplica.
L'empresariu apunta que quier da-y una vuelta al so proyeutu. "De momentu vamos aparar una temporada y ver qué facemos y cómo reorientamos el negociu", asegura. Y reconoz que "la cosa diba perbién, y cuando empezaba el despegue llegó la pandemia y dende entós nada foi lo mesmo, nada foi como enantes", esplica. Por eso esa necesidá de repensar la empresa. Nun ta mal facelo con ún de los más prestixosos premios internacionales del sector, una medaya de bronce ente los únicos 15 rones especiaos galardonaos nel certame y ente cientos de productores, procedentes de llugares tan exóticos como Tailandia y Nueva Zelanda, ente otros.
Carpio va brindar agora con ún de los meyores especiaos del mundu p'analizar lo que fai nel futuru.
"Cola ayuda del Gobiernu del Principáu d'Asturies"
- Cuando habló en Oviedo el cardenal que ahora avisa de un posible cisma si sale otro Papa como Francisco: 'No soy una copia de él, que tiene serviles aplaudidores
- Me incliné por ser ginecólogo cuando logramos salvar la vida de una mujer con una hemorragia posparto que parecía irresoluble
- Una dura sentencia obliga a las residencias geriátricas asturianas a modificar su presupuesto: 662.000 euros por daños
- La raza asturiana de perro que necesita ayuda para ser solución contra el lobo: esto piden sus criadores
- El Sella se lo llevó en un tramo poco concurrido, pero que tenía 'fuerte corriente': la tragedia del catalán que se bajó para enderezar su canoa
- El cardenal corrupto que quiere ir al cónclave rezó en la Catedral por los mártires de Oviedo
- Ola de calor en Asturias: los termómetros rozarán la semana que viene los 30 grados
- ¿Por qué los 500 millones para blindados del plan de defensa son una gran ocasión para Asturias? La clave está en dos corredores industriales
