Los estranxeros tiren del empléu asturianu depués de la pandemia del covid
De los 18.000 cotizantes qu'incorporó Asturies dende 2019, más de la metá son inmigrantes
Un repartidor de comida a domiciliu descansa nun bancu del paséu de Los Álamos d'Uviéu. | LUSIMA MURIAS
Los inmigrantes estranxeros convirtiéronse en protagonistes del mercáu llaboral español y asturianu, con un aumentu, a poco y a poco, na afiliación a la Seguridá Social nos últimos años, mentanto la población nacional enseña unes meyores muncho más cobardes, cuando non unes tases elevadísimes de paru ente los menores de 25 años (la d'Asturies, del 31,8%, ye de les más altes del país).
Nos postreros cinco años, tomando la pandemia de covid como puntu de referencia, los cotizantes estranxeros n'Asturies pasaron de los 14.874 cifraos en payares de 2019 a los 24.128 qu'amosaben los datos de la Seguridá Social el payares últimu.
L'aumentu porcentual ye del 62%, casi trece vegaes mayor al repique del 4,8% rexistráu nel total d'afiliaos na comunidá (axuntando españoles y foriatos), qu'aumentaron dende los 368.159 qu'había fai cinco años a los 386.179 conseñaos va un mes.
O dicho d'otru xeitu: de la medría de 18.020 cotizantes que sumó'l sistema asturianu nesti últimu llustru (un datu que, ello ye, cita davezu Adrián Barbón), más de la metá (9.254) son estranxeros.
Ye verdá que les persones procedentes d'otros países entá suponen el 6,2% del total d'afiliaos asturianos, pero l'enclín a l'alza ye innegable, tanto nel réxime xeneral de la Seguridá Social (onde l'incrementu dende 2019 ye del 80%, hasta los 16.794 actuales) como nel d'autónomos, con una xubida del 55%, hasta los 4.298. Nel casu del empléu domésticu, la meyora ye más discreta, del 14,7% (anguaño son 2.445).
El casu ye, que no que se refier a los autónomos y al trabayu nel llar, son los foriatos los que tán tirando del carru, cuidao que los nacionales recularon en dambos ámbitos dende payares de 2019: un -6,7% nos trabayadores por cuenta propia (baxando hasta los 65.669 actuales), y un -17,3% nel empléu nos llares, onde agora son 5.108.
"Cola ayuda del Gobiernu del Principáu d'Asturies"
- Este es el misterioso y discreto mamífero asturiano que se incorpora al listado de especies en peligro de extinción
- Cuando el Papa estuvo en los Picos de Europa: se quedó a dos kilómetros de pisar tierras asturianas
- Nuevas averiguaciones tras el accidente de Cerredo: el Principado eliminó en 2019 el servicio específico de Seguridad minera
- Esta podría ser la alternativa del Sabadell frente a la opa del BBVA: una operación que sería de gran calado para Asturias
- Un alijo de 390 kilos de cocaína impregnados en carbón de El Musel: el otro caso por el que debe declarar el empresario del accidente minero de Cerredo
- El golpe de los traslados de Arcelor a India: entre 130 y 150 empleos en España (y la mayoría en Asturias)
- Los primeros profes asturianos de Educación Física cumplen treinta años dando clases: 'Era una carrera divertida y con base pedagógica
- ¿Quién pagará más y quién menos con el nuevo IRPF de Asturias? Unos 100 euros de rebaja hasta este nivel de renta
