El teletrabayu tira de Tameza (y asina dexó de ser el conceyu menos pobláu)
El municipio gana trés habitantes en 2023 y dexa de ser el menos pobláu d'Asturies por tan solo un vecín de diferencia con Pezós gracies a la llegada de los nuevos residentes
Un requexu de la localidad de Yernes.
Los últimos datos poblacionales del Institutu Nacional d'Estadística revelaron, ente otres sorpreses, que'l conceyu de Tameza yá nun ye'l menos pobláu d'Asturies en ganando en 2023 trés vecinos más, llegando a un total de 136 habitantes y dexando atrás, apenes por un vecín namás, al conceyu de Pezós que, a la contra, perdió tamién trés vecinos, quedando en 135 y ye'l nuevu "colista".
D'ello dexa constancia l'alcaldesa de Tameza, María Díaz Fidalgo. La Rexidora esplica que los nuevos residentes son "una pareya de mediana edá que trabaya en casa, amás d'otra moza que se mueve a trabayar a Grau". "Los trés viven en Yernes", esclaria. La primer edil d'esti conceyu de la zona centro occidental felicítase de que "dempués de tantos años dexemos de ser los menos poblaos". "Anque la diferencia ye mínima al respeutive de Pezós, por un solu vecín", afima Díaz. L'Alcaldesa cree que los qu'allegaron a vivir al conceyu busquen lo qu'esti ufierta: tranquilidá, naturaleza y munches rutes pela redolada pa los que disfruten de caminar. "Amás, nun tamos tan llueñe como la xente cuenta que tamos. Tamos nel centru d'Asturies, a 30 minutos de Grau y a menos d'una hora d'Uviéu", diz. Agora bien, tamién reclama dalgún tipu de midida pa sacar alantre viviendes que tán cayendo, ayudes por que los propietarios puedan remocicales y bones conexones tanto per carretera como d'internet y de telefonía móvil. "Dalgunes d'eses viviendes pueden iguase y ponese n'arriendu, de fechu hai dalguna que yá lo ta y tamién en venta", recuerda l'Alcaldesa, pa quien "vivienda y bones conexones" son fundamentales p'atraer los nuevos vecinos al so conceyu. Esti añu recuerda que yá se van entamar igües bien demandaes como un nuevu tramu de la N-311 que va de Grau a Villabre, la capital del conceyu, como tamién l'arreglu de la que xube al puertu de Marabiu y comunica Teberga con Tameza.
"Cola ayuda del Gobiernu del Principáu d'Asturies"
- El consejero Borja Sánchez, tras ser operado de cáncer de colon: 'Hay momentos duros, pero los avances que constato los compensan de sobra
- Un viaje por el drama de las vacas de Tineo: le sacrifican 160 reses por un solo caso de tuberculosis
- Estos son los tres nuevos radares que multarán en Asturias
- Lo que pasará con las pensiones, que suben este mes pero 'bajarían' en febrero
- Ver y dejarse ver por el Paraíso Natural: estos fueron los rostros conocidos que pasaron por el pabellón de Asturias en Fitur
- La expresión en Asturias que usa todo el mundo pero que en España tiene un significado totalmente distinto
- Mittal impone condiciones: los factores de los que dependen la planta verde de Gijón y la acería eléctrica de Avilés
- Asturias confía tener en verano el borrador de la ley que prohibirá el consumo y venta de bebidas energéticas a menores
