Abre la primer granxa d'engorde d'atunes coloraos nel Cantábricu
El plan piloto, en Guetaria (Guipúzcoa ), busca fomentar la pesca de la cobiciada especie
Una granxa d'engorde d'atunes nel Mediterráneu.
La pesca d'atún coloráu nel mar Cantábricu tuvo históricamente condicionada pola so escasa rentabilidá pa la flota pesquera por mor del menor tamañu de los exemplares, la escasez de los mesmos y tamién poles condiciones meteorolóxiques que compliquen la so captura coles artes qu'emplega la flota de la Cornisa. Ye por esi motivu que quitando casos mui contaos, la pesca d'atunes coloraos ta vedada a los barcos asturianos.
Pero d'unos años p'acá, abarrúntase que pol calentamientu de l'agua de la mar, l'acolumbre y captura d'atunes coloraos nel mar Cantábricu volvióse daqué cotidiano. Ello ye que los pescadores, col sofitu de la direición xeneral de Pesca Marítima del Principáu, soliciten al Ministeriu qu'asigne un cupu de captures que permita'l desembarcu de los exemplares d'atún coloráu que se pesquen por accidente y qu'agora, llei en mano, tienen que se devolver al agua, en munchos casos con poques posibilidaes de supervivencia.
Un bálamu d'atunes coloraos. / LNE
Pa tornar esta situación y afalar la recuperación de la pesca d'atún coloráu nel Cantábricu, van asitiase dos instalaciones acuícoles somorguiaes a 3,7 milles del puertu de Guetaria (Guipúzcoa ). Estes xaules van probase a lo llargo de los meses d'iviernu, y pel branu de 2025 va empezar la preba piloto pal engorde de la especie con un númberu tasáu d'exemplares. Si la esperiencia resulta positiva, a partir de 2026 van instalase más xaules, dependiendo de la cuota de pesca destinada a engorde.
La iniciativa cuerre al cargu d'Itsasbalfegó, una empresa creada pol centru teunolóxicu vascu AZTI y la firma catalana Balfegó, y cuenta con capturar atunes coloraos vivos por aciu d'artes de cercu en collaboración cola flota pesquera. Darréu, los exemplares van ser engordaos pa evaluar la so viabilidá tanto económica como medioambiental. Primero d'empezar la captura d'atunes nel branu de 2025, Itsasbalfegó va validar la flotabilidá y resistencia de les xaules frente a los fenómenos meteorolóxicos adversos del Cantábricu, un retu clave pa esti tipu d'acuicultura.
"Cola ayuda del Gobiernu del Principáu d'Asturies"
- El sábado acabé muy malín y ya sospechaba que algo no iba bien', el relato de Borja Sánchéz tras ser diagnosticado de cáncer de cólon
- Pedro Sánchez, ante los socialistas asturianos: 'Si bajamos el volumen del ruido, Asturias y España viven uno de sus mejores momentos
- Rocío Monasterio pinta mucho en Asturias
- Estoy en las mejores manos': el emotivo mensaje del consejero de Ciencia, Borja Sánchez, tras ser diagnosticado con cáncer de colon
- La propuesta para aprender a conducir que no gusta nada a las autoescuelas asturianas y que ya hacen en otros países
- Adiós a la ruta asturiana a Londres de Ryanair: la empresa la cierra por 'tasas desmesuradas' de Aena
- Alumnos y profesores tiritan con aulas a 5 grados en Asturias: 'Es inadmisible; se pone en peligro su salud
- Una conocida cadena abre dos nuevos supermercados en dos ciudades asturianas (y oferta cincuenta empleos)
