Los motivos polos que'l númberu d'empleaes del llar daes d'alta n'Asturies cae embaxo
Más de mil trabayadores y families empleadores salieron de la Seguridá Social desque entamaron los aumentos del salariu mínimu y les cotizaciones

Los motivos polos que'l númberu d'empleaes del llar daes d'alta n'Asturies cae embaxo / LNE
L'empléu nel llar dáu d'alta na Seguridá Social n'Asturies cerró 2024 en mínimos. L'esbarrumbu entamó coincidiendo cola fuerte alza del salariu mínimu interprofesional (SMI) dende l'añu 2018 y foi medrando col aumentu de les cotizaciones obligatories y l'incrementu de los controles de la Inspección de Trabayu y Seguridá Social. Amás, dende primero de xunetu d'esti añu va ser obligatoria la evaluación de riesgos por parte del empleador.
Salariu mínimu
El Gobiernu estudia una nueva xuba del SMI pa 2025. En 2018 yera de 735 euros mensuales, anguaño ye de 1.134 euros y cola propuesta que tien el Ministeriu de Trabayu enriba la mesa podría xubir hasta 1.183 euros. Estes medríes tienen muncha incidencia nel sector del empléu nel llar cuidao que los sos trabayadores –la inmensa mayoría muyeres– suelen tener salarios fixaos al nivel del SMI. De magar la curva ascendente del salariu mínimu creció, la d'empléu nel llar baxó. Nel casu de les empleaes, pasóse n'Asturies de 8.743 persones daes d'alta na Seguridá Social de media en 2018 a 7.671 en 2024, según los datos del Ministeriu d'Inclusión. El descensu ye de 1.072 trabayadores y la cifra de 2024 ye la más baxa desque en xunu de 2012 entró en vigor la Llei de Serviciu Domésticu. Nel casu de les families empleadores daes d'alta n'Asturies –que superen en númberu al d'empleaes, una y bones estes pueden trabayar por hores pa dellos empleadores– pasóse de 10.348 en 2018 a 8.864 en septiembre de 2024, últimu datu disponible. El descensu foi de 1.484 families, según los datos qu'arrexunta Sadei.
Cotizaciones
Xunto al salariu mínimu tamién xubieron les cotizaciones a la Seguridá Social que tienen qu'abonar les families y amestóse un extra: la cotización obligatoria por paru de los trabayadores. Dende'l 1 d'ochobre de 2022 la cotización por desempléu y al Fondu de Garantía Salarial (Fogasa) ye obligatoria pa les persones empleadores y empleaes del llar.
Controles
El descensu d'altes nos últimos años tamién coincidió col entamu por parte de la Inspección de Trabayu y Seguridá Social de campañes d'información y control pa regularizar los salarios y cotizaciones de les empleaes doméstiques.
Economía somorguiada
La cayida del númberu d'empleadores y empleaes del llar d'alta puede significar, cuando una menor necesidá d'esos servicios o cuando una mayor arrenuncia por causes económiques, pero tamién puede significar un tresvase escontra la economía somorguiada. Según cálculos de CC OO, hai alredor de 14.000 empleaes del llar n'Asturies, lo que supon el doble de les daes d'alta.
"Cola ayuda del Gobiernu del Principáu d'Asturies"
- Los tres países a los que Arcelor desvía su inversión (y en uno construirá otra acería)
- Los asturianos que 'se salieron' en la prueba MIR: la vocación de ayudar, una remontada tras varios suspensos y un alma de cirujano
- Pillan ebrio al conductor de un autobús escolar en Sariego
- Francisco Álvarez-Cascos, absuelto de un delito de apropiación indebida en Foro Asturias
- Así funcionará el programa 'Alquilámoste' de Asturias: lo que cobrará el propietario que ceda su piso para alquiler
- Un ingeniero del sector privado dirigirá la Oficina Económica de Barbón: así es el elegido
- El juez decreta el ingreso en prisión provisional comunicada y sin fianza de los cuatro detenidos por el alijo de cocaína incautado en la costa de Cudillero
- Muere un escalador de 47 años tras una caída en la subida a Peña Ubiña en León