Música, teatru, charles y conciertos nel próximu trimestre en Mieres
El Conceyu diseña una programación "pa tolos públicos y gustos"
Quique González, nun conciertu en Mieres. | LNE
Mieres entama'l trimestre con una nueva programación cultural qu'aporta cargada de cites pa tolos públicos. Artes escéniques, lliteratura, cine, esposiciones, coloquios o actividaes infantiles enxareten el programa camentáu pol Conceyu.
"Dalgunes de les cites yá fueren anunciaes y mangaron el cartel de nun hai entraes como l'espectáculu de Grison o el conciertu de Quique González, pero hai más, muncho más", señalaron dende'l Gobiernu local. Ello ye que los próximos miércoles va haber sesiones del Musoc, l'amuesa de cine social. Amás, tamién hai programaes actividaes como un homenaxe a Guillermo Schulz col estrenu absolutu del primer cantar mineru asturianu; el 130 aniversariu del fallecimientu de Teodoro Cuesta, con una ufrienda floral y un conciertu poéticu musical; les sesiones de la Cinemateca Ambulante o l'Asina suena la Vida de Luis San Narciso.
Dende'l Gobiernu de Mieres señalen qu'el Pozu Santa Bárbara "va convertise tamién n'escenariu de delles actividaes culturales: una cita de Caxa de Resistencia, con Carne Crudo en vivu y en direutu dende'l que ye'l primer pozu mineru declaráu BIC n'España, y el conciertu Working Class, con Mapi Quintana y Rubén Bada".
Amás, el show "Señores Bien" al cargu de Mariajo Baudot, el conciertu de "Automatik Kafka" en Mieres Centru Cultural y esposiciones d'artistes locales y nacionales tamién formen parte d'un programa qu'inclúi charles y coloquios, actividaes yá emblemátiques como "Tardes con Leo", los cuentacuentos n'asturianu o el conciertu de la Orquesta Sinfónica del Conservatorio Superior de Música del Principáu d'Asturies.
"Les Xornaes de Montaña, el Antroxu, la Cinemateca Ambulante o el cine n'igualdá tamién formen parte d'una axenda na qu'el nuesu patrimoniu humanu, cultural y social cobra protagonismu y que vien adobada, amás, coles ilustraciones de Patricia Pascual que falen del nuesu territoriu, de la nuesa xente y de la nuesa historia", apunten dende'l Gobiernu local, pa esplicar que "col Monumentu a Teodoro Cuesta na portada, l'axenda enséñanos llugares y momentos reconocíos por toes y toos y tamién amiesta una novedá, un chisgu al saber popular, a la conocencia del rural y a la cultura del cultivu".
"Cola ayuda del Gobiernu del Principáu d'Asturies"
- El metal asturiano no encuentra trabajadores: los motivos por los que la mitad de las empresas del sector tiene empleos sin cubrir
- Éstas son las notas de corte de la Universidad de Oviedo para el próximo curso: hay tres grados por encima del 13
- Malas noticias para los mutualistas asturianos: la devolución de los pagos de más en el IRPF volverá a demorarse (pese a las promesas del Gobierno)
- Perlora, la Ciudad de Vacaciones de Asturias que pasó de ser un sueño de verano a ahogarse en maleza
- La familia Madera, una de las más acaudaladas de Asturias, abre en Menorca su quinto alojamiento de lujo y prepara su salto a un país de África
- Cambio brusco del tiempo en Asturias: a partir de mañana... vuelven las nubes y el orbayo
- Zapatero habla de Barbón y su rechazo al acuerdo de financiación singular que propone Sánchez: 'Puede ir desarmado...
- Todo lo que perdería Asturias con la financiación singular de Cataluña: pensiones y servicios públicos, afectados
