L'asturianu, nun ambiciosu plan cultural gallegu: Inaciu Galán entra en "Residencia Xacobeo"
L'escritor va trabayar a lo llargo del mes de marzu n'A Coruña nel proyeutu de traducción d'obres gallegues al asturianu qu'entama la Xunta pal impulsu de la so lliteratura

Inaciu Galán. | LNE
Inaciu Galán, escritor y activista en defensa del asturianu, foi escoyíu pa introducir per primer vegada la llingua asturiana nel proyeutu de traducción d'obres gallegues "Residencia Xacobeo", qu'impulsa la Xunta de Galicia.
El xixonés, presidente del colectivu Iniciativa pol asturianu, va marchar a lo llargo del próximu mes de marzu a la "Residencia Literaria 1863" d'A Coruña, un espaciu de creación fundáu pola xestora cultural y Premiu Nacional de Poesía Yolanda Castaño nel que va entamar un proyeutu lliterariu de traducción al asturianu. Va escoyer mediu centenar de poemes d'escritores mozos, referentes de la lliteratura gallega menores de 35 años, y va preparar con ellos una antoloxía poética billingüe, traducida al gallegu y al asturianu. Comentó Galán a LA NUEVA ESPAÑA que ye daqué "perinteresante, porque ye la primer vegada en cinco ediciones qu'escueyen un proyeutu que nun ye d'americanos o d'otros países europeos, y que seya amás un proyeutu n'asturianu presta".
La iniciativa de residencia lliteraria de la Xunta cumple la so quinta edición como una propuesta d'impulsu pa la lliteratura gallega na qu'hasta agora participaron los estadounidenses Jacob Rogers, Kathleen March y Lindsay Semel y el letón Arvis Viguls.
L'escritor xixonés, fundador y direutor de la revista lliteraria "Formientu", presidente d'Iniciativa pol Asturianu dende 2012, publicó en 2008 la primer antoloxía sobre'l monólogu asturianu, "Antoloxía de monólogu modernu ¡Pa echar unes rises!", siguida en 2011 de "Más monólogos... ¡Pa echar unes rises!"
"Residencia literaria 1863" ta concebida como un retiru creativu pa escritores y traductores. Pon a la so disposición un apartamentu nel corazón históricu d'A Coruña pa estancies de normal de cuatro selmanes nes que s'ufierta al axudicatariu la oportunidá d'afondar nel so trabayu creativu.
"Cola ayuda del Gobiernu del Principáu d'Asturies"
- Tres alumnos de Oviedo se meten entre los cien mejores de España en el examen MIR (y uno de ellos queda en el puesto 37)
- Los tres países a los que Arcelor desvía su inversión (y en uno construirá otra acería)
- Los asturianos que 'se salieron' en la prueba MIR: la vocación de ayudar, una remontada tras varios suspensos y un alma de cirujano
- Pillan ebrio al conductor de un autobús escolar en Sariego
- Francisco Álvarez-Cascos, absuelto de un delito de apropiación indebida en Foro Asturias
- Un ingeniero del sector privado dirigirá la Oficina Económica de Barbón: así es el elegido
- El juez decreta el ingreso en prisión provisional comunicada y sin fianza de los cuatro detenidos por el alijo de cocaína incautado en la costa de Cudillero
- Primer concurso de traslados en la sanidad asturiana con un aluvión de peticiones: ¿a dónde quieren ir la mayoría de los médicos?