Hunosa recibe un premiu internacional pol usu cultural de los sos pozos
L'asociación llatinoamericana "Visión" galardona a la empresa hullera en Madrid

Pela izquierda, Nicanor Sen, Tomás Arteaga, Gustavo Pañeda y Lilia García Lorenzo, na entrega del premiu. / LNE
El llabor de la hullera asturiana Hunosa no referente al tresformamientu d'antigües instalaciones mineres n'espacios con usos pa la cultura y el turismu travesó fronteres. Dalgo que demuestra'l premiu que la empresa recibió esta selmana en Madrid y que-y concedió l'Asociación Internacional de Periodistes y Escritores Llatinos de Turismu, "Visión".
Na entrega, celebrada nel edificiu históricu de la Universidá Camilo José Cela, el presidente de l'asociación "Visión", Tomás Rodríguez Arteaga, destacó "l'enfoque de sostenibilidá y caltenimientu del patrimoniu industrial que realiza Hunosa dándo-y un usu cultural y turísticu a les sos antigües instalaciones mineres buscando tamién el desenvolvimientu del sector turísticu como motor de desarrollu pal territoriu".
L'encargáu d'apurrir el premiu al Grupu Hunosa foi'l delegáu del Gobiernu en Castiella y Lleón, Nicanor Sen, y, pola compañía, recoyólu'l so direutor de Comunicación y Relaciones Institucionales, Gustavo Martínez Pañeda, y la coordinadora pa Hunosa del patrimoniu cultural, Lilia García Lorenzo.
Anguaño, Hunosa tien nes cuenques del Caudal y del Nalón dellos espacios antaño mineros que güei acueyen otros usos. Col pozu Sotón como lo más rescamplante pola so esperiencia integral que dexa al turista ser un mineru por un día, la hullera tamién entamó espacios nel Fondón (Llangréu), onde puede visitase l'Archivu Históricu d'Hunosa. Fai apenes unos díes, la empresa tamién inaguraba'l pozu San Xosé de Turón como un espaciu d'usos culturales y turísticos depués de remocicar la so sala de máquines. L'espaciu acueye estos díes la so primer esposición, "Pioneres, les muyeres del carbón", un percorríu n'imaxes que documenta la presencia y contribución femenina, davezu callada y escaecida, al sector.
"Cola ayuda del Gobiernu del Principáu d'Asturies"
- Así funcionará el programa 'Alquilámoste' de Asturias: lo que cobrará el propietario que ceda su piso para alquiler
- Así 'pacificó' Barbón en Langreo a un hombre airado contra el Gobierno: Del '¡dimisión!' al apretón de manos
- Un ingeniero del sector privado dirigirá la Oficina Económica de Barbón: así es el elegido
- ¿Cuándo verá el Huerna la luz al final del túnel? Esta es la previsión para poner fin al argayón
- Muere un escalador de 47 años tras una caída en la subida a Peña Ubiña en León
- La muerte de un escalador vigués en Peña Ubiña: su padre falleció en la misma zona en 1994
- Los médicos asturianos, contra la ley que los quiere regular: 'Es inaceptable
- ¿Por qué toman gran impulso las parejas de hecho en Asturias? La clave está en la Ley