La obra del centru d'alfarería de Faro, n'Uviéu, va costar 511.635 euros
El Conceyu sofita un diseñu del edificiu que va amosar la cerámica faruca inspiráu na arquitectura tradicional asturiana

Alfarería de Faro. / LNE
La construcción del centru d'alfarería de Faro va costar 511.635 euros. El Conceyu d'Uviéu aprobó apocayá de forma inicial l'estudiu d'implantación de la instalación, que foi sometíu a información pública.
El centru d'alfarería de Faro va llevantase nuna parcela municipal. El Consistoriu asegura que les obres van executase "nuna fase, col enfotu de poner en funcionamientu l'actividá nun plazu máximu de 36 meses".
L'equipamientu tien ente los sos oxetivos la exhibición y promoción de la cerámica uvieína. Nel proyeutu d'obres definiránse les carauterístiques del edificiu que se va construyir. Tien de tener, señala'l Conceyu nel estudiu d'implantación, un astragal d'entrada con espaciu pa recepción y aseos al par d'un espaciu formativu con fornos d'alfarería pa impartir clases y entamar amueses. Tou ello completaráse con una sala polivalente, que pueda convertise n'auditoriu y nel que puedan realizase esposiciones.
L'edificiu va tener una superficie construyida máxima de 500 metros cuadraos nuna parcela que nun tien edificación nenguna y que ta destinada a pastu. El Conceyu pretende con esti equipamientu, reflexa la documentación, "protexer, promover y sopelexar la cerámica faruca".
La construcción del centru d'alfarería de Faro, consideren dende'l Consistoriu, "va redundar en beneficiu non solo de los habitantes de Faro, sinón na preservación del patrimoniu cultural asturianu". L'entamu de la producción anicia nel sieglu XI na localidá uvieína, onde se llegaron a axuntar 70 obradores de cerámica nel sieglu XVIII.
La edificación va allugase nuna zona entemedia de la fastera, semiocultu dende la orientación suroeste pola topografía del terrén. Solo va ser visible dende la orientación sureste. El diseñu final de la construcción tendrá de tener "unes condiciones estétiques propies de l'arquitectura popular", que pretenden "desapartalu a un segundu planu, escondiéndolu como un elementu más del telón de fondu natural de les edificaciones tradicionales", recueye l'estudiu d'implantación del centru. Nel proyeutu d'obres definiránse los trabayos pa llevantar l'edificiu y l'acondicionamientu de la parcela.
"Cola ayuda del Gobiernu del Principáu d'Asturies"
- El libro escrito por una madre que se lee ya en colegios y que explica a los niños el problema de abusar de las pantallas: 'En mi casa el móvil está prohibido
- Así funcionará el programa 'Alquilámoste' de Asturias: lo que cobrará el propietario que ceda su piso para alquiler
- El terremoto de Arcelor que sacude Asturias: traslado de oficinas a la India y mil empleos en juego
- Así 'pacificó' Barbón en Langreo a un hombre airado contra el Gobierno: Del '¡dimisión!' al apretón de manos
- ¿Cuándo verá el Huerna la luz al final del túnel? Esta es la previsión para poner fin al argayón
- La reacción en Estrasburgo de Barbón, 'preocupado' por el anuncio de Arcelor: su confianza en 'una negociación' y la necesidad de 'una respuesta contundente de Europa
- La envergadura del traslado de servicios de ArcelorMittal a la India, que afecta a 31 entidades de siete países (y en España, sobre todo a Asturias)
- La muerte de un escalador vigués en Peña Ubiña: su padre falleció en la misma zona en 1994