Diez empreses asturianes, ente les 500 pymes líderes en crecimientu
La facturación d'estes compañíes medró más del 40%, hasta 400 millones d'euros

Fábrica de plaques solares d'Exiom en China. / Pablo Castaño
Diez empreses d'Asturies fueron escoyíes como empreses líderes en crecimientu na VIII edición del programa CEPYME500, iniciativa de la Confederación Española de la Pequeña y Mediana Empresa (CEPYME) qu'identifica añalmente a 500 empreses piqueres en crecimientu empresarial, tanto polos sos resultaos como pola so capacidá pa xenerar valor añadíu, empléu, anovación y proyeición internacional.
Les empreses asturianes escoyíes son Aceros Avilés, Adober Electricidad, Distribuciones Solares del Principado, Exiom Solution Total, Lider Integrated Technology Consulting, Murart, Recalvi Norte, Soldavigil, Suprasteel Worldwide y Verot.
Les empreses escoyíes en CEPYME500 llograron una facturación global de más de 14.000 millones d'euros, emplegaron a más de 34.000 persones y tuvieron una plantía media de 70 trabayadores. En concretu, les empreses asturianes que formen parte d'esta edición rexistraron una tasa añal de crecimientu del 40% y algamaron una facturación cercana a los 400 millones, con unos ingresos medios de 40 millones y una plantía media de 73 trabayadores.
El ministru d'Economía, Carlos Cuerpo, intervieno na presentación, celebrada en Madrid. Ellí destacó'l llabor de les pymes españoles, qu'empleguen al 60% de los trabayadores españoles, y refirióse a una de les principales reivindicaciones de Cepyme como ye la simplificación de los trámites alministrativos pa les empreses y l'amenorgamientu de la burocracia. "Trabayamos pa entamar el Réxime 20, que ye un mercáu regulatoriu conxuntu simplificáu de toa España, col alcuerdu de conceyos y comunidaes. Yá aconceyemos con delles alministraciones y toes tienen la mesma voluntá", defendió.
"Cola ayuda del Gobiernu del Principáu d'Asturies"
- ¿Por qué Asturias tiene (por cuarto año consecutivo) la tasa más alta de cáncer del país y cuáles son los tumores más frecuentes?
- ¿Cuáles son los 31 destinos que tendrá este año el aeropuerto de Asturias? El último operará todos los martes con billetes de ida y vuelta por 86 euros
- Tres alumnos de Oviedo se meten entre los cien mejores de España en el examen MIR (y uno de ellos queda en el puesto 37)
- Los tres países a los que Arcelor desvía su inversión (y en uno construirá otra acería)
- Los asturianos que 'se salieron' en la prueba MIR: la vocación de ayudar, una remontada tras varios suspensos y un alma de cirujano
- Pillan ebrio al conductor de un autobús escolar en Sariego
- Francisco Álvarez-Cascos, absuelto de un delito de apropiación indebida en Foro Asturias
- Los oricios arrasan en su regreso a las mesas: primer día en los restaurantes tras nueve años de veda con precios altos