Asturies, ente los territorios con menor abandonu escolar
Educación establez midíes pa los docentes qu'exercen la direición de manera unipersonal
Lydia Espina, nel centru, nel conceyu del comité de direiciones d'Infantil y Primaria. | PRINCIPÁU
Añádenos en GoogleAsturies ta ente les comunidaes autónomes con menor abandonu escolar, un 10,5%, según asoleya la Encuesta de Población Activa publicada esti día. Esti indicador mide'l porcentaxe de persones de 18 a 24 años que nun completara la Educación Secundaria de segunda etapa (FP de Grau Medio, Básica o Bachilleratu) y que nun siguía nengún tipu de formación nes cuatro selmanes anteriores al zarru de la estadística. Nel conxuntu d'España l'abandonu educativu trempranu algamó en 2024 el 13%, la tasa más baxa de la serie histórica y 0,7 puntos porcentuales menos que l'añu anterior. Por comunidaes los porcentaxes más baxos danse nel País Vascu (5%) y Cantabria (5,5%), siguíes a bastante distancia pola Comunidá Foral de Navarra (9,9%), Principáu d'Asturies (10,5%) y Comunidá de Madrid (10,5%).
Tamién nel ámbitu educativu, la Conseyería d'Educación presentó esti día'l so plan de meyora de les direiciones unipersonales, aquelles qu'exerz un docente en solitariu, ensin tener un equipu. Amás, la conseyera d'Educación, Lydia Espina, anunció la presentación d'una guía práutica con orientaciones pa ellaborar la memoria final de cursu. Les midíes enxarétense na estratexa de la Conseyería pa reforzar los equipos direutivos.
Un únicu docente asume toles xeres de dirección naquellos centros nos qu'hai menos de seis unidaes, lo qu'asocede en mediu centenar d'ellos. Anque la llei califica a estos centros de "incompletos", el Principáu va pasar a denominalos "unipersonales".
La Conseyería va establecer sistemes de sofitu a estos direutores, asignando la collaboración a docentes que tengan horariu disponible. La nueva norma acuta les funciones qu'esos docentes de sofitu tendrán d'acometer.
Amás, va permitir a les direiciones d'estos centros incrementar les hores destinaes a xestión alministrativa hasta un máximu de diez hores selmanales, magar parten de salida con cinco.
El sindicatu ANPE espresó'l so sofitu a la midida, una y bones los centros unipersonales representen el 12% del total de centros. El sindicatu señala que l'esfuerzu que realiza la persona qu'asume la dirección compensase con una retribución de 315 euros mensuales, la metá que n'otres comunidaes como Madrid y per debaxo de lo que s'abona en Cantabria o Galicia.
"Cola ayuda del Gobiernu del Principáu d'Asturies"
- Conmoción en Pravia por la muerte Raquel Suárez, 'Tati', la joven apasionada de las motos, 'trabajadora y buena persona', que sufrió un accidente en el Motorbeach
- La familia fallecida en Palencia sufrió el accidente en el mismo punto donde murió la médica gijonesa hace un mes: 'Esa autovía parece un campo de minas
- Cascada de reclamaciones en las oposiciones docentes: desborde de suspensos y calificaciones que no alcanzan el mínimo exigido para que compute la prueba
- Llega una nueva aerolínea 'low cost' a Asturias: operará la conexión a Londres que iba a dejar Vueling en octubre y dos más
- La receta contra las faltas de ortografía de un catedrático de Lingüística: dejar las pantallas y leer más en papel
- Muere una joven de Pravia de 24 años en un accidente de moto en el recinto del Motorbeach de Vinuesa (Soria)
- La muerte de la joven asturiana lleva a la organización del Motorbeach a suspender varias pruebas 'por motivos de seguridad', y se pronuncian sobre el estado del terreno: 'Se mete aquí un piloto y se mata
- Educación atribuye el elevado número de suspensos en las oposiciones de maestro a "faltas de ortografía y de sintaxis" y a "fallos de compresión lectora"
